भूकम्पका घाइते जाजरकोट र रुकुमका १९ जनाको भेरीमा उपचार हुंँदै

नेपालगन्ज। गएराती जाजरकोट केन्द्रबिन्दु बनाएर गएको भूकम्पमा परी घाइते भएका १९ जनाको नेपालगन्जमा उपचार गइरहेको छ । जाजरकोट र रुकुमका १९ जना घाइतेको भेरी अस्पतालमा उपचार भइरहेको हो । जाजरकोटका १२ जना र रुकुम पश्चिममा ७ जनाको उपचार भइरहेको स्वास्थ्य कार्यालय बाँकेका जनस्वास्थ्य अधिकृत नरेश श्रेष्ठले जानकारी दिनुभयो ।

भेरीमा उपचार चलिरहेकामा विमल कार्की भेरी नगरपालिका ३ जाजरकोट, इशा शाह खलंगा जाजरकोट, यमुना रावल सानो भेरी नगरपालिका १ रुकुम, टेकबहादुर शाही भेरी नगरपालिका ८ जाजरकोट, धनसिंह रावल सानो भेरी १ जाजरकोट, सुप्रभा विक भेरी १ जाजरकोट, मोहन विष्ट जाजरकोट, भुपेन्द्र परियार जाजरकोट भेरी नगरपालिका १, टिकाराम राना भेरी १ जाजरकोट, अनामिका शाही भेरी १ जाजरकोट, पुष्कर परियार भेरी १ जाजरकोट, प्रेमचन्द्र वली सानो भेरी ४ रुकुम, गोविन्द बुढा क्षेत्री सानो भेरी ४ रुकुम, नविता खड्का सानो भेरी ४ रुकुम, लविस चन्द सानो भेरी ४ रुकुम, ज्ञानु विक सानो भेरी ४ रुकुम, सुशान्त पुन मगर सानो भेरी २ रुकुम, कुञ्जन पुन भेरी १ जाजरकोट र गीता शाह भेरी ३ जाजरकोट हुनुहुन्छ ।

उनीहरुलाई हेलिकप्टर र एम्बुलेन्सबाट नेपालगन्ज ल्याइएको हो । घाइतेलाई नेपाल प्रहरी, नेपाली सेना तथा विभिन्न संस्थाको एम्बुलेन्समार्फत नेपालगन्जस्थित भेरी अस्पताल नेपालगन्ज पुर्‍याइएको हो ।

जाजरकोट र रुकुम पश्चिमका अन्य थप घाइतेहरूलाई पनि नेपालगन्ज ल्याइँदैछ ।