स्वास्थ्य दर्पण मीडिया नेटवर्कको नवौं बार्षिकोत्सवको पूर्व राष्ट्रपति डा. रामवरण यादवद्धारा उद्दघाटन हुंँदै

काठमाडौं । स्वास्थ्य दर्पण मीडिया नेटवर्क प्रालि.को नवौं बार्षिकोत्सवको उद्दघाटन पूर्व राष्ट्रपति डा. रामवरण यादव द्धारा हुंँदैछ । स्वास्थ्य दर्पणको आज नेपाल प्रज्ञा प्रतिष्ठान कमलादीमा नवौ बार्षिकोत्सवको प्रमुख अतिथिको रुपमा पूर्व राष्ट्रपति डा. यादवले उद्दघाटन गर्न लाग्नु भएको हो ।

उक्त कार्यक्रममा पूर्व राष्ट्रपति डा. यादवका साथै विशिष्ट अतिथिमा वरिष्ठ पत्रकार एवं लेखक किशोर नेपाल र नेपाल सरकारका स्वास्थ्य सचिव डा. विकास देवकोटा रहनु भएको स्वास्थ्य दर्पणका मिडिया नेटवर्कका अध्यक्ष सन्दीप कुमार श्रेष्ठले जानकारी दिनुभयो । यस्तै कार्यक्रममा अतिथिको रुपमा विभिन्न विश्वविद्यालयका प्राज्ञिक, चिकित्सकहरु रहनु भएको छ ।

बार्षिकोत्सवको अवसरमा आयोजित अवार्ड कार्यक्रममा स्वास्थ्य क्षेत्रमा योगदान दिनुहुने नेपालका ७ प्रदेशमा कार्यरत चिकित्सक ,स्वास्थ्यकर्मी ,स्वास्थ्य संस्था , पत्रकार सहित अमेरिका र युरोपमा कार्यरत चिकित्सकसहित २४ जनालाई यस अवार्ड संस्करणमा सम्मानित गरिने अध्यक्ष श्रेष्ठले जानकारी दिनुभयो । स्वास्थ्य दर्पणले हरेक बर्ष स्वास्थ्य क्षेत्रमा योगदान पुर्याउनु हुने, चिकित्सक, प्राध्यापक, स्वास्थ्यकर्मी, तथा पत्रकारलाई सम्मानित गर्दै आएको छ ।