काठमाडौँ । आज आज विश्व फार्मासिस्ट दिवस मनाइँदैछ । यस वर्ष ‘स्वास्थ्य सोचौँ, फार्मासिस्ट सम्झौँ’ नाराका साथ मनाउन लागिएको यो दिवसको मुख्य उद्देश्य स्वास्थ्य प्रणालीलाई सुदृढ बनाउन र समुदायलाई सुरक्षित राख्न फार्मासिस्टहरूको महत्वपूर्ण भूमिकालाई सम्मान र उजागर गर्नु हो ।
यस अवसरमा नेपाल फार्मेसी सङ्घले देशभरका जिल्ला र प्रदेशस्तरमा विभिन्न कार्यक्रमको आयोजना गरी फार्मासिस्टहरूलाई एकीकृत गर्ने, जनचेतना अभिवृद्धि गर्ने र समाजप्रति पेसागत प्रतिबद्धता दोहो¥याउने कामा गरिरहेको छ ।
फार्मेसी केवल औषधि वितरणमा सीमित नभइ जीवन रक्षा र स्वास्थ्य प्रवद्र्धनमा अग्रणी भूमिका निर्वाह गर्ने पेसा रहेको सङ्घका अध्यक्ष युवराज भुसालले बताउनुभयो । उहाँले सुरक्षित, प्रभावकारी र जिम्मेवार औषधि प्रयोग सुनिश्चित गर्न उनीहरूको योगदान रहने बताउनुभयो ।
भुसालले भन्नुभयो, “फार्मासिस्ट जनस्वास्थ्यसँग प्रत्यक्ष सरोकार राख्ने व्यक्ति हुन् । औषधि दिने मात्र होइन त्यो औषधिको पूर्ण जानकारीसहित फार्मासिस्टले औषधि दिने काम गर्छन् । समुदायमा उनीहरुको ठूलो भूमिका छ । औषधिको वैज्ञानिक प्रयोग, जनस्वास्थ्यमा सचेतना, अनुसन्धान र सेवाप्रति समर्पणमार्फत समाजमा फार्मासिस्टहरूले निर्वाह गर्दै आएको योगदान प्रशंसनीय छ ।”
यस अवसरमा आज देशव्यापी रूपमा ¥याली, रक्तदान कार्यक्रम, स्वास्थ्य शिविर, अन्तरक्रियात्मक छलफल, सरोकारवालासँग प्राविधिक सत्र, विशेष तालिम सञ्चालन भइरहेका छन् । रासस
