नेपाल औषधी तथा बिक्री प्रतिनिधि संघ र बजाज बीच सम्झौता

काठमाडौं । नेपालका लागि बजाज बाइकको आधिकारिक हंस राज हुलास चन्द्र एण्ड कम्पनी र नेपाल औषधी तथा बिक्री प्रतिनिधि संघ( NMSRA )बीच सम्झौता भएको छ । संघको हालै २८ औं राष्ट्रिय महाधिवेसनको अबसर पारेर औषधि प्रतिनिधिहरुलाई मोटरसाइकल खरीद तथा साटफेरमा बिषेश छुट तथा सेवा दिने बिषयमा सम्झौता भएको हो । सम्झौता पत्रमा हंस राज हुलास चन्द्र एण्ड कम्पनीको तर्फबाट कर्पोरेट सेल्स म्यानेजर मनि लामा र NMSRA को तर्फबाट केन्द्रिय अध्यक्ष अनिल दाहालले हस्ताक्षर गरेका छन ।

सम्झौता अनुसार हंसराज हुलास चन्द एण्ड कम्पनीका देशभर रहेका १०६ वटा शोरुम तथा २०० भन्दा बढी सर्भिसिङ्ग सेन्टर बाट नेपाल औषधी तथा बिक्री प्रतिनिधी संघका सदस्यहरूले यो सम्झौता अन्तर्गतको सुविधा प्राप्त गर्न सक्नेछन् ।

ग्राहकको चाहना अनुसार हंस राज हुलास चन्द एण्ड कम्पनीका का विभिन्न सिरिज का बजाज मोटरसाइकल किन्नको लागि उक्त कम्पनीले विशेष अफर उपलब्ध गराएको जूनियर असिस्टेन्ट म्यानेजर लाल बहादुर खड्का ले बताउनु भयो । बजाज का विभिन्न सवारी साधन किन्नका लागि हंस राज हुलास चन्द एण्ड कम्पनी ले आफ्नै फाइनान्सिङ सेबा मार्फत बार्षिक ७ प्रतिशत व्याजदरमा अन्य धेरै सुविधा सहित १२ महिना देखि २४ महिनाको किस्तामा मोटरसाइकल उपलब्ध गराउने कम्पनी ले जनाएको छ।