काठमाडौं । स्वास्थ्य तथा जनसंख्या मन्त्री मोहनबहादुर बस्नेतको पहलमा राजधानीमा बसोबास गरिरहेका जाजरकोट र पश्चिम रुकुमका भूकम्प प्रभावितका लागि ४ वटा बस निःशुल्क व्यवस्था गरिएको छ ।
स्वास्थ्य मन्त्री बस्नेतको आग्रहमा पुर्व अरनिको यातायतले २ वटा बस जाजरकोटका लागि र २ बस पश्चिम रुकुमका लागि निःशुल्क उपलब्ध गराएको हो । पुर्व अरनिको यातायतका अध्यक्ष केदार क्षेत्रीले स्वास्थ्य मन्त्री बस्नेतको आग्रहमा संस्थागत सामाजिक उत्तरदायित्व अन्तरगत समितिले ४ वटा बस निःशुल्क उपलब्ध गराएको बताए ।
भूकम्प प्रभावित क्षेत्र जाजरकोट र पश्चिम रुकुमका व्यक्ति आर्थिक अभावले घर जान नसकेको अवस्था भए सम्पर्क गर्न पनि पुर्व अरनिको यातायतले आग्रह समेत गरेको छ । जाजरकोट र पश्चिम रुकुममा गए राती आएको भूकम्पमा परेर अहिलेसम्म सयभन्दा भन्दा बढीले ज्यान गुमाइसकेका छन भने, सयौं घर भत्किएका छन ।
