बाँके । बर्दियाका थारु जातिमा सिकलसेल एनिमिया जनस्वास्थ्य समस्याको रुपमा देखा परेको छ। चेतनाको कमिले रोगी रोगी बिच विवाह भई रोगी बच्चा जन्मँदा यो रोगले भयावह अवस्था लिएको छ। सिकलसेल एनिमियाको समयमै उपचार नपाउँदा मानिसको मृत्यु हुने जोखिम पनि बढेको छ।
लुम्बिनी प्रदेशको बर्दिया जिल्लामा थारु जातिको ५३ प्रतिशत जनसङ्ख्यामा बसोबास छ। बर्दियाका थारु जातिमा सिकलसेल एनिमिया जनस्वास्थ्य समस्याको रुपमा देखा परेको छ। बर्दिया जिल्लामा मात्रै ३१२ जना सिकलसेल एनिमिया पहिचान भइसकेको छ । हेल्थ काउन्सिलले बारबर्दिया नगरपालिकामा एक बर्ष देखि उनन्तिस बर्ष उमेर समूहका बिस हजार थारु समुदायमा गरेको रगत परिक्षणमा ११.३ प्रतिशत सिकसेल डिस अर्डर जसमा १०.६ प्रतिशत सिकलसेल बाहक ०.७ प्रतिशत सिकलसेलका रोगी र करिब ५ प्रतिशत बिटा थाइलेसिमिया बिरामी देखा परेका छन् । प्राय सिकलसेल एनिमियाका बारेमा थारु समुदायलाई जानकारी छैन उपचारका लागि बाँकेको भेरी अस्पताल नेपालगन्ज आउन धेरै खर्च लाग्ने भएकाले हरेक पालिकाहरूमा औषधि उपलब्ध गराएमा बिरामीलाई सहज हुने स्थानीयको भनाई रहेको छ।
सरकारले उपलब्ध गराएको निःशुल्क उपचार खर्च प्राप्त छैन सिकलसेल एनिमियाले गर्दा काम गरेर घरपरिवार पाल्न समस्या हुने गरेको छ। बालबालिकालाई समेत सिकलसेल एनिमिया देखा पर्दा बिरामी झनै मर्कामा परेका छन् ।
डाक्टर राजन पाण्डेका अनुसार सिकलसेल एनिमिया बशाणुगत सर्ने रोग हो। सिकलसेल एनिमिया रोगको समयमा उपचार नपाएमा मानिसको मृत्यु हुने जोखिम हुन्छ। सिकलसेल एनिमिया उपचारका लागि सरकारले भेरी अस्पताल नेपालगन्जमा निःशुल्क व्यवस्था गरेपनि बर्दियाका धेरै बिरामीले लाभ उठाउन नसकेको उहाँको भनाई रहेको छ।
सरकारले प्रदान गर्ने एक लाख रुपैयाँ नि:शुल्क उपचार खर्चले आजीवन उपचार गर्न नपुग्दा बिरामीको मृत्यु हुने जोखिम बढेको छ। सिकलसेल एनिमिया रोगको बारेमा जनचेतना फैलाउन नसक्दा यसले झन भयावह अवस्था लिने खतरा पनि बढेको बर्दियाका थारु अगुवा कृष्ण दहित बताउनु हुन्छ ।
जनचेतनाको कमिले रोगी रोगी बिच बिरामी भई रोगी बच्चा जन्मने गरेको कारणले रोग निर्मूल हुन सकेको छैन । थारु समुदायमा बशाणुगत रोगका रुपमा देखिएकाले यस रोगका बारेमा ज्ञान दिन जनचेतना जगाउन आवश्यक देखिएको छ।
वंशाणुगत सिकलसेल एनिमियाका कारण हुने जटिल समस्याबाट बच्नका लागि बिरामीले पर्याप्त पानी पिउनुपर्ने, धेरै कडा परिश्रम गर्न नहुने र फोलिक एसिड नामक औषधि सेवन गरिरहनुपर्ने चिकित्सकको सल्लाह रहेको छ।
