काठमाडौँ । काभ्रेपलाञ्चोक जिल्लाको भुम्लु गाउंँपालिकाको स्वास्थ्य शाखालाई स्वास्थ्य दर्पण राष्ट्रिय हेल्थ अवार्ड–२०८१ द्धारा सम्मान गरिएको छ ।
स्वास्थ्य शिक्षा र सेवाको क्षेत्रमा संस्थाको उद्धेश्य अनुसार पुरयाएको योगदानको कदर गर्दै स्वास्थ्य शाखालाई राष्ट्रिय हेल्थ अवार्डले सम्मान गरिएको हो ।
काठमाडौंको कमलादी स्थित नेपाल प्रज्ञा प्रतिष्ठानमा स्वास्थ्य दर्पण मीडिया नेटवर्कको नवौं बार्षिकोत्सवको अवसरमा आयोजित कार्यक्रममा पूर्व राष्ट्रपति डा. रामवरण यादवले उक्त अवार्ड प्रदान गर्नु भएको थियो ।
अवार्ड कार्यक्रममा स्वास्थ्य क्षेत्रमा योगदान दिनुहुने नेपालका ७ प्रदेशमा कार्यरत चिकित्सक ,स्वास्थ्यकर्मी ,स्वास्थ्य संस्था , पत्रकार सहित अमेरिका र युरोपमा कार्यरत चिकित्सकसहित २४ जनालाई सम्मान गरिएको थियो ।
स्वास्थ्य दर्पण मीडियाले हरेक बर्ष स्वास्थ्य क्षेत्रमा योगदान पुर्याउनु हुने, चिकित्सक, प्राध्यापक, स्वास्थ्यकर्मी, तथा पत्रकारलाई सम्मानित गर्दै आएको छ ।
- सोमबार, चैत ११, २०८१ मा प्रकाशित
तपाईको प्रतिक्रिया
संबन्धित शिर्षकहरु
