काठमाडौं । वरिष्ठ मुटुरोग विशेषज्ञ डा. भगवान कोइराला सम्मानित हुनुभएको छ । उहांँलाई एक समारोहकाबीच एक लाख ११ हजार १११ नगद राशि सहित सम्मानित गरिएको हो । उहांँ ‘डा. सुदीप अर्याल सामाजिक रूपान्तरण पुरस्कार–२०७९’ समर्पण गरिएको छ ।
डा. सुदीप अर्यालका मातापिता सरस्वती अर्याल र पूर्णप्रसाद अर्यालद्धारा डाक्टर छोराको स्मृतिमा पुरस्कार कोषको स्थापना गर्दै पहिलोपटक सो पुरस्कार डा. कोइरालालाई प्रदान गरिएको हो ।
आइतबार काठमाडौंमा आयोजित कार्यक्रममा प्रमुख अतिथि साहित्यकार भुवनहरि सिग्देलले डा. कोइरालालाई प्रमाणपत्र तथा नगद राशी प्रदान गर्नुभयो । सो अवसरमा डा. कोइरालालाई दोसल्ला ओढाई सम्मानित गरिएको थियो ।
सोही समारोहमा डा. सुदीप अर्यालद्वारा लिखित उपन्यास ‘क्रान्ति’को पनि लोकार्पण गरिएको थियो । पेज टर्नर र पर्वतीय साहित्य समाजद्वारा आयोजित उक्त कार्यक्रममा डा. सुदीपकी माता सरस्वती अर्यालले उपन्यासमा लेखेको मन्तव्य वाचन गरेर सुनाइएको थियो ।
