रिसिङमा संचालन हुने बृहत निःशुल्क स्वास्थ्य शिविरको तयारी पुरा

रिसिङ । तनहूँ जिल्लाको रिसिङ गाउँपालिकामा आयोजित दुईदिने बृहत निःशुल्क स्वास्थ्य शिविरको तयारी पुरा भएको छ ।
ग्रामीण भेगका जनताको लागि स्वास्थ्य सेवा सहजरुपमा उपलब्ध गराउने उदेश्य अनुसार आयोजना गरिएको शिविर भोलि माघ २४ र २५ गते २ दिन संचालन हुनेछ ।

श्री शिव सरस्वती माध्यमिक विद्यालय,रिसिङको ४९औं वार्षिकोत्सवको अवसरमा आयोजित स्वास्थ्य शिविरमा वरिष्ठ चिकित्सक डा.बरुण श्रेष्ठको चिकित्सकीय नेतृत्वमा डा.दामोदर तिवारी,डा.मन्जु पाण्डेय,डा.योगेश राज पन्त लगायत आधा दर्जन विशेषज्ञ चिकित्सकबाट सेवा प्रदान गरिदैें छ । शिविरमा पेट रोग,उच्च रक्तचाप,मधुमेह रोग,स्त्री रोग,बाल रोग हाड्जोर्नी तथा नशा रोग लगायतका विरामीको लागि सेवा पदान गरिने नेशनल सिटी हस्पिटल लि.का प्रबन्ध निर्देशक विक्रम अधिकारीले जानकारी दिनुभयो ।

रिसिङ गाउँपालिका,लायन्स क्लब अफ नारायणगढ चित्रवन,रोटरी क्लब अफ चितवन,रोटरी क्लब अफ नारायणगढ र धनलक्ष्मी बचत तथा ऋण सहकारी संस्था लि.नारायणगढको आयोजनामा शिविर संचालन हुनेछ । उक्त शिविरको प्राविधिक सहयोग भरतपुरस्थित नेशनल सिटी हस्पिटल लिमिटेडले गरेको हो।