चितवन । मानवीय सेवालाई उच्च प्राथमिकतामा राखी समाज सेवाको विभिन्न क्षेत्रलाई अगाडि बढाई रहेको लायन्स क्लव अन्तराष्ट्रिय नेपालको डिस्ट्रिक्ट ३२५ ”आर” कलस्टर ३ रिजन ८ देखि ११ र जोन १८ देखि २५ अन्तरगत रहेका ३३ वटा लायन्स क्लवहरुको सयुक्त आयोजनामा एकदिने बृहत नि:शुल्क स्वास्थ्य शिविर सम्पन्न भएको छ । भरतपुर महानगरपालिका वडा नं.१२ स्थित मोहन माध्यमिक विद्यालय परिषरमा आयोजित शिविर कार्यक्रममा करिब २० जना विभिन्न रोगका चिकित्सकहरुले सेवाग्राहीको स्वास्थ्य चेकजाँच गर्नुभएको हो ।
शिविर कार्यक्रममा मेडिकल टीमको नेतृत्व लायन्स अभियान्ता तथा वरिष्ठ क्यान्सररोग विशेषज्ञ डा.गंगा सापकोटाले गर्नुभएको थियो । शिविरमा डा. सापकोटा सहित वरिष्ठ चिकित्सक डा.हेमन्त गुप्ता,डा.महेन्द्र अग्रहरी,डा.गौरब न्यौपाने,डा.सरिता राना( गुरुङ),डा.नवराज लामिछाने,डा.शुनिल कुमार शाह,डा.कृष्ण रेग्मि,डा.पुष्पराज खनिया,डा.कमलेश शाह लगायतले ३६७ जना विरामीहरुको स्वास्थ्य जाँच गर्नुभएको हो ।
शिविर संयोजक तथा वरिष्ठ फिजिसियन डा.महेन्द्र अग्रहरीको अनुसार शिविरमा मधुमेह, दम, उच्च रक्तचाप, हाड्जोर्नी, नशा,स्त्री रोग, दाँत सम्बन्धि समस्या भएका विरामी देखा परेको बताउनुभयो ।
कार्यक्रमका प्रमुख अतिथि वागमती प्रदेशका स्वास्थ्य मन्त्री उत्तम जोशीले लायन्स क्लव अन्तराष्ट्रियले समाजमा गर्दै आएका सबैखाले गतिविधिबारे आफू जानकार रहेको बताउनु भयो । आगामी दिनमा प्रदेश स्वास्थ्य मन्त्रालय, लायन्स क्लव अन्तराष्ट्रिय संग सहकार्य गरि स्वास्थ्य सम्बन्धि कार्यक्रमहरुलाई न्यून वर्गीय र सीमान्तकृत समुदाय बसोवास क्षेत्रसम्म लैजाने प्रतिवद्धता व्यक्त गर्नुभयो ।
कार्यक्रममा पूर्वगर्भनरद्धय लायन राजकुमार श्रेष्ठ, ला.राम प्रसाद भट्ट, गर्भनर ला.आर.एस. महत्तो, ला.नवराज सापकोटा,ला.कमल श्रेष्ठ,ला.प्रभाकर पण्डित,ला.लोकनाथ भट्ट,ला.अजामिन ढकाल,ला.रितु गिरी,ला.विनोद तिमिल्सिना ला.मोहन केसी लगायतको उपस्थिति रहेको थियो ।
