भरतपुर अस्पतालको सेवामा उल्लेख्य सुधार

चितवन । विरामीको सुविधाको लागि भरतपुर अस्पतालले सेवामा उल्लेख्य सुधार गरेको पाईएको छ । अस्पतालको विभिन्न विभागमा अत्यधुनिक मेशिन सहित सेवालाई प्रभावकारी बनाउन ब्यवस्थित गरेको हो ।विरामीको चापलाई मध्यनजर गरेर सेवालाइ प्रभावकारी बनाईएको छ ।
जसअनुसार ओपीडी , सर्जरी , अन्तरंग, प्रयोगशाला , इमरजेन्सी सहितका विभागमा सुधार गरिएको छ । मंसिरमा मेडिकल सुपरीटेन्डेन्टको जिम्मेवारी सम्हालेका डा. श्रीराम तिवारीले अस्पतालको साना समस्याको पहिचान गरी सुधारको काम थालेका थिए ।

विरामीको सहजताकालागी सुधारका काम भएका छन् । डा. तिवारीले विरामीको गुनासोलाई ख्याल गरेर सेवालाई प्रभावकारी बनाउदै लगिएको बताए । ‘ पहिला समस्याको पहिचान गरेर मात्रै समाधानको लागी केन्द्रित भएका छौ ,’ उनले भने , ‘ विरामीको चाप बढी हुने कारण केही कठिनाई नभएको भने होइन । तर हामीले साधन स्रोतलाई ब्यवस्थापनगर्दै सहजबनाउदै लगेका छौ । ’ आफु विधि र पद्धति भन्दा कत्ति पनि बाहिर नजाने प्रतिवद्धता गरेका तिवारीले प्रशासनिक सुधार पनि गरेका छन् ।
भरतपुर अस्पतालमा पछिल्लो समय २४ शैया थप गरिएको छ । विरामीको चाप बढेको कारण चार वटा वेड आइसियुमा थप गरिएको छ । सुविधाअनुसारको वेडका कारण अस्पताल आउने विरामीआइसियुको अभावमाबाहिर जान नपरेको अस्पतालले जनाएको छ ।

त्यस्तै बालरोग विभागअन्र्तगतपाँच बेडको एचडीयु स्थापना गरिएको छ । पाँच वेडको बर्थिङ युनिट पनि यसपटकबाट सुरु भएको छ । थालेसिमियाका विरामीको लागी तीन वेड अलग्गै ब्यवस्थापन गरिएको छ । त्यस्तै १२ बेडको एनआइसियुलाई २० वेडमा स्तरोन्नति गरिएको छ ।

अस्पतालको गुरुयोजना अनुसार बनेका भवनमा सेवालाई ब्यवस्थापनसंगै नयाँ कार्यक्रम ल्याइएको छ । अस्पतालमा वेड थप , विरामीलाई सहजहुने गरी वार्ड नजिक डिस्चार्ज हुने ब्यवस्था गरिएको छ भने आपतकालिन सेवाका लागि आउने विरामीको लागी इमरजेन्सीमै ल्याबको सुविधा गरिएको छ ।
अस्पतालका विरामी वार्डबाटै डिस्चार्ज हुन पाउने भएका छन् । वार्डका विरामी अन्य विरामीको उपचारका लागि शुल्क तिर्नपर्ने तर लाइनमा बस्न नपर्ने भएको छ । फागुनको पहिलो साता वार्डका विरामीलाई भर्ना भएको नजिकै काउण्टरको स्थापना गरेर सजिलै डिस्चार्ज हुने ब्यवस्था मिलाइएको छ ।

भरतपुर अस्पतालले सेवा सुधारसंगै अस्पतालमा आउने बालबालिकाको लागि बाल क्षेत्र बनाएको छ ।अस्पतालमा बाल मैत्री क्षेत्र बनाइएको छ । अस्पताल आउने बालबालिकालाइृ भुलाउनका लागि खेलको साधन सहितको हरियाली क्षेत्र बनाइएको छ । अस्पतालका प्रवक्ता डा. रामप्रसाद सापकोटाले अस्पतालमा सुधारको काम भएको बताए । ‘ जति हामीले सेवाथप गरेका छौ त्यसले धेरै सहज भएको अनुभूति भएको छ ,’ डा. सापकोटाले भने , ‘ हामीले विरामीमैत्री , अपाङ्गमैत्री र बालमैत्रीपूर्वाधार बनाएका छौ । अब ओपिडि भवनबनाउन सक्यांै भने अझै सहजहुनेमाआशाबादी छौ । ’
भरतपुर अस्पतालको सेवा, ल्याब लगायतको शुल्कलाई विमा संग एकरुपता गरिएको छ । शुल्क र सुविधालाई समान बनाउन एकरुपता गरिएको हो । यो भरतपुरमा बाहेक अन्यत्र छैन ।
अस्पताललाई गुरुयोजना अनुसार भवन विस्तार र ब्यवस्थापनमा पनि तीब्र पारिएको छ । पुराना भवनलाई भत्काएर ब्यवस्थापन गरिएको छ । अस्पतालका पूर्व अध्यक्ष राजकुमार राजभण्डारीको कार्यकालमा पारित अस्पतालको गुरुयोजना अनुसार विकास र विस्तारको कामपनि संगसंगै गरिएको छ ।