चितवन । समुदायमा कांँग्रेस अन्तर्गत कालिका नगरपालिकामा बृहद निःशुल्क स्वास्थ्य शिविर शुरु भएको छ । कालिका नगरपालिका वडा नम्बर ६ निवासी १०६ बर्षिय भगिरथ लामिछाने र कोइरालाले सयुक्त रुपमा शिविरको उद्वघाटन गरेका हुन ।
नेपाली काङ्ग्रेस चितवनले पार्टीका पुर्व सभापति गिरिजाप्रसाद कोइरालाको १४ औ स्मृति दिवसको अवसरमा समुदायमा काङ्ग्रेस अभियान अन्तरर्गत बृहत् निःशुल्क स्वास्थ्य शिविरको आयोजना गरेको नेपाली काङ्ग्रेस चितवनका सभापति राजेश्वर खनालले जानकारी दिए । खनालका अनुसार चैत ९ गतेदेखि शुरु भएको शिविर १० गते साझ सम्म चल्ने छ । संस्थागत सामाजिक उत्तरदायित्व अन्तरर्गत रहेर पार्टीले आमनागरिकलाई स्वास्थ्य सेवाको महसुस होस् भन्ने उदेश्यले निःशुल्क स्वास्थ्य शिविरको आयोजना गरिएको हो ।
जनतासग नेपाली काङ्ग्रेस पार्टीलाई जोड्ने,जनताका शिक्षा,स्वास्थ्य,कृषि र रोजगारी लगायतका बिषयहरुमा प्रत्यक्ष सहभागिता जनाउने र सम्बोधन गर्ने पार्टीको लक्ष्य रहेको उल्लेख गर्दै सभापति खनालले सघिय लोकतान्त्रिक गणतन्त्रात्मक ससदिय शासन प्रणालीको माध्यामबाट नागरिकका समस्या समाधानका लागि नेपाली काङ्ग्रेसले खेल्दै आएको भूमिका अविस्मरणीय रहेको पनि प्रष्ट पारे ।
शिविरमा जनरल फिजिसियन,महिला तथा प्रसूति,आखा जाँच,दन्तरोग,पाठेघरको मुखको परिक्षण,बालरोग,नसा,हाडजोर्नी, नाक,कान तथा घाटी,मुटु रोग र छाला तथा यौन रोग सम्बन्धि सेवाहरु उपलब्ध गराइएको छ ।
कार्यक्रममा कांँग्रेसका वरिष्ठ नेता शशांक कोइराला ,केन्द्रिय सदस्य टेक प्रसाद गुरुङ,बागमती प्रदेशका निबर्तमान स्वास्थ्य मन्त्री उत्तम जोशी लगायतले शुभकामना मन्तव्य राखेका थिए । शिविरमा आज पहिलो दिन ४ सय ९३ जनाले निःशुल्क स्वास्थ्य सेवा लिएका छन् भने आज भोलि गरेर दुइ दिनमा २ हजार जना स्वास्थ्य सेवाबाट लाभान्वित हुने अपेक्षा गरिएको नेपाली काङ्ग्रेस चितवनले जनाएको छ ।
