चितवन । काँग्रेस नेता शिव प्रसाद पौडेलको स्मृतिमा भरतपुरमा रगत संकलन गरिएको छ । रगतको अभाव झेलेका विरामीको लागी सहिद शिव पौडेल स्मृति प्रतिष्ठानले रक्तदान कार्यक्रमको आयोजना गरेको हो ।
प्रतिष्ठानले भरतपुरको सप्तगण्डकी कलेज चोकमा गरेको रक्तदान कार्यक्रममा ८० जनाले रगत दिएका थिए । नेपाल रेडक्रस सोसाइटी चितवनका सभापति हरि पौडेलले चितवनका अस्पतालमा रगतको अभाव केही कम हुन यो अभियानले केही सहयोग पुुग्ने बताए । पौडेलको स्मृतिमा सहिद शिव प्रसाद पौडेल स्मृति प्रतिष्ठान स्थापना गरिएको हो । प्रतिष्ठानले विभिन्न समयमा सामाजिक काम गर्दै आएको अध्यक्ष विनु रायमाझी पौडेलले जानकारी दिइन् ।
नेपाल तरुण दलका तत्कालिन जिल्ला अध्यक्ष शिव पौडेलमाथि जिल्ला कारागारमा पुर्पक्षका लागि थुनामा रहेका बेला ०६८ साल मंसिर २० गते सांघातिक आक्रमण भएको थियो ।
- शुक्रबार, बैशाख २८, २०८१ मा प्रकाशित
तपाईको प्रतिक्रिया
संबन्धित शिर्षकहरु
