वीरेन्द्रनगर । सुर्खेत हस्पिटलमा निःशन्तापन महिला तथा पुरुषका लागि निःशुल्क शिविर सञ्चालन हुने भएको छ ।
बढ्दो निःशन्तानको समस्या समाधानका लागि काठमाडौंको महाराजगञ्जस्थित एन्जल फर्टिलिटी क्लिनिक र सुर्खेत हस्पिटलको सहकार्यमा आउँदो जेठ ५ गते निःशुल्क ओपिडी शिविर सञ्चालन गर्न लागिएको हो ।
सन्तान नभएका दम्पतीका लागि लक्षित गर्दै एकदिने निःशुल्क चेकजाँच सँगै परामर्श शिविर सञ्चालन गर्न लागिएको सुर्खेत हस्पिटलले जनाएको छ ।
महिला तथा प्रसूति एवं निःशन्तापन रोग विशेषज्ञ डाक्टर माला श्रेष्ठ र भ्रुण विशेषज्ञ डाक्टर प्रिति विष्टद्वारा एकदिने शिविरमा निःशुल्क चेकजाँच सँगै आवश्यक परामर्श प्रदान गरिने सुर्खेत हस्पिटलका व्यवस्थापक भक्तबहादुर शाहीले जानकारी दिनुभयो ।
उहाँका अनुसार निःशन्तापन परामर्श शिविरमा पुरुष बाँजोपनको चेकजाँच, गर्भ तुहिने र गर्भ नरहने समस्याको निदानबारे जानकारी दिईने बताउनु भयो ।
- बुधबार, जेठ ०२, २०८१ मा प्रकाशित
तपाईको प्रतिक्रिया
संबन्धित शिर्षकहरु
