श्री दुर्गा शेषकान्त अधिकारी माविमा एकदिने नि:शुल्क स्वास्थ्य शिविर

भरतपुर । श्री दुर्गा शेषकान्त अधिकारी मावि भरतपुर १६ को आयोजना तथा कलेज अफ मेडिकल साइन्सेस (पुरानो मेडिकल कलेज) र राउन्ड टेबल–१४ नारायणगढको प्राविधिक सहयोगमा एक दिने बृहत् निशुल्क स्वास्थ्य शिविर सम्पन्न भएको छ।

विद्यलाय परिषरमा भएको शिविरमा करिब ८ सय जना विद्यार्थी, शिक्षक र अभिभावक हरुले स्वास्थ्य परीक्षण गराएका थिए । शिविरमा अस्पतालका तर्फबाट डा. सन्दीप गर्ग, डा. प्रेरणा बन्सल, डा. रोसिना भट्टराई, डा. बन्दना अर्याल, डा. पूजा यादव, डा. नेहा कुमारी, डा. प्रविण खत्री, डा. मोनिका दङ्गाल, डा. अशोक शाह, डा. निशा श्रेष्ठ, डा. जान्वी अग्रवाल, डा. समिक्षा थापा, डा. मेनुका पौडेल, डा. सगुन पराजुली, डा. समिल्सन मानन्धर, डा. सलिना महर्जन, कोशिका श्रेष्ठ, सीता पन्त, प्रिया चन्द, सृजना बराल, प्रतिमा श्रेष्ठ, राधा रोक्का, प्रविण उपाध्याय, दीपक परियार आदिले जनरल फिजिसियन, बालरोग, दन्तरोग, नेत्ररोग,नाक कान घाटी रोग सम्बन्धी विशेषज्ञ सेवा प्रदान गरेका थिए।

कार्यक्रममा भरतपुर १६ का वडाध्यक्ष अमृतराज हमालले शिविरमा विद्यार्थी तथा अभिभावकहरुलाई स्थानीय स्तरमा नै स्वास्थ्य परीक्षण सेवा लिने मौका पाएको बताउनुभयो । पश्चिम चितवनका यस्ता कार्यक्रम वडाका अन्य क्षेत्रमा समेत सञ्चालनका लागि सहकार्य गरिने र भविष्यमा पनि यसलाइ निरन्तरता दिइने उहाँले बताउनु भयो ।

कार्यक्रममा १७ का वडाध्यक्ष ललितमान तामाङ, जनस्वास्थ्य प्रवद्र्धन शाखा भरतपुर महानगरपालिका प्रमुख दीपक सुवेदी, अस्पतालका समुदाय स्वास्थ्य सेवा बिभाग प्रमुख डा. प्रेरणा बन्सल, राउन्ड टेबल नारायणगढका अध्यक्ष सन्दीप गर्ग, विद्यलय व्यवस्थापन समितिका अध्यक्ष, श्री बहादुर हमाल, प्रधानआध्यापक माधबप्रसाद पौडेल लगायतले बोलेका थिए ।

नीजि क्षेत्रको नेपालकै जेठो शिक्षण अस्पताल पुरानो मेडिकल कलेजले बिगत ३ दशक देखि गुणस्तरीय चिकित्सा शिक्षा तथा स्वास्थ्य सेवा दिइरहेको छ। मध्य नेपालमा रहेको यस अस्पतालमा नेपाल लगायत भारतबाट समेत उपचारका लागि दैनिक हजारौं बिरामीहरु आउने गरेको अस्पतालका जनसम्पर्क बिभाग प्रमुख दुर्गा प्रसाद न्यौपानेले बताउनुभयो । अस्पतालले विभिन्न संघ संस्थाहरुसँग हातेमालो गर्दै दुर दराजमा गुणस्तरीय स्वास्थ्य सेवा उपलब्ध गराउदै आएको उहाँले बताउनु भयो ।