पवित्रा पौडेल , चितवन । चितवन अस्पताल प्रा.लि.,राष्ट्रिय स्वास्थ्यकर्मी महासंघ ,चितवन र भरतपुर महानगरपालिका वडा नं.३ को आयोजनामा मधुमेह सम्बन्धी निशुल्क स्वास्थ्य जाँच सम्पन्न भएको छ । विश्व मधुमेह दिवस – २०२४ को अवसरमा आयोजित कार्यक्रममा सचेतनासहित ३५० जनाको स्वास्थ्य परीक्षण गरिएको हो ।
कार्यक्रम संयोजक चिफ कन्सल्टेण्ट फिजिसियन प्रा.डा.विजय प्रसाद पौडेलको नेतृत्वमा रहेको मेडिकल टिममा डा.सन्दीप पाण्डे,डा.प्रतिक न्यौपाने डा.रामकृष्ण पौडेल लगायतका चिकित्सक तथा स्वास्थ्यकर्मीबाट सेवा प्रदान गरिएको थियो । कार्यक्रममा उपस्थित सहभागीहरुलाई स्वास्थ्य जाँच संगै मधुमेह रोगको विषयमा सचेतनामुलक कार्यक्रम संचालन गरिएको कार्यक्रम संयोजक प्राडा.पौडेलले बताउनु भयो ।
प्रत्येक अंगे्रजी बर्षको नोभेम्बर १४ तारिकमा यो दिवस मनाउने गरिन्छ । भने यो वर्ष ”विश्वव्यापी स्वास्थ्य सशक्तिकरण” भन्ने नारासहित विश्व मधुमेह दिवस – २०२४ संसारभर एकैसाथ मनाइएको हो ।
