चितवन । भरतपुर महानगरपालिका वडा नम्बर १४ स्थित सरस्वती क्लबले सोही ठाउंँकी क्यान्सर पीडित पत्रकार संगिता बानियांँलाई ३० हजार सहयोग गरेको छ । क्लबका अध्यक्ष सुवास सिलवालको सक्रियतामा उपचारको लागि ३० हजार सहयोग गरेको हो । आर्थिक अभावका कारण उपचारमा कठिनाई भएपछि क्लबले बानियांँको ग्लोबल आइएमई बैंकको क्यूआर मार्फत खातामा जम्मा गरेको हो । क्लबले ३० हजार नगद जम्मा गरेको र क्लबले आयोजना गरेको भजन प्रतियोगिताको अवसरमा चलाएको संगीता बचाउ अभियान मार्फत थप ६० हजार रुपैयांँ जम्मा भएको अध्यक्ष सिलवालले जानकारी दिनुभयो ।
आजनै पत्रकार संगीता बानियाँ सिलवाल थप उपचार (ब्रेनमा रेडियसन)का लागि भारतको राजधानी नयाँदिल्ली प्रस्थान गर्नुभएको छ ।उहाँलाई आज शनिबार निवासबाटै क्यान्सर पिडित संगीता बानियाँ सिलवाल बचाउ अभियानले सुस्वास्थ्य कामनासहित बिदा गरेको छ । चितवन मेडिकल कलेजको क्यान्सर अस्पतालमा केमो थेरापीको उपचार गराईरहेकी उहाँको रेडियसनका लागि भारत पारस क्यान्सर हस्पिटल एण्ड रिसर्च सेन्टर गुडगाउँ दिल्लीमा रेफर गरिएको हो ।संगीताको साथमा दाजु सुरेश बानियाँ काठमाडौं हुदैं भोली अस्पतालमै पुग्नुहुनेछ । उहांँको रेडियसन मार्फत ब्रेनको उपचार हुने चिकित्सकले बताएका छन् ।
दिल्लीका लागि विदाई भेटमा अभियानका संयोजक सामाजिक अभियान्ता विदुर केसी, सदस्य पश्चिम चितवन पत्रकार मंचका अध्यक्ष अनिल भट्टराई, सदस्यहरु – अभियान्ता किशोर गुरुङ, सु्वास सिलवाल, अमृत बानियाँ, लालबहादुर भट्ट, विना बानिया लगायत परिवारका सदस्यहरु उपस्थित हुनुहुनुथ्यो ।उहाँ भारतमा रहेपनि सहयोग अभियान भने जारी रहने संयोजक विदुर केसीले जानकारी दिनुभयो । हालसम्म उहाँको उपचारका लागि १७ लाख २८ हजार सहयोग प्राप्त भएको छ ।
हाल मनकारी मनहरु , सामाजिक, राजनितिक व्यवसायिक व्यक्तिटोल सुधार, आमा समुह, युवा क्लव, सहकारी संस्थादेखि राजनीतिक दल र विभिन्न संघ संस्थाहरुद्धारा सहयोग भईरहेको छ । थप सहयोगका लागि यसअघिकै प्रणाली संगीताकै बैंक खातामा रकम जम्मा गर्न सकिने र क्युआर मार्फत सहयोग गर्न ‘क्यान्सर पीडित पत्रकार संगीता बानिया सिलवाल बचाउ अभियान’ आग्रह समेत गरेको छ ।
