काभ्रेपलान्चोक । ‘स्वास्थ्य र राष्ट्रका लागि एक सङ्कल्प’ भन्ने मूल मन्त्रका साथ स्थापित ओम मेगाश्री फर्मास्युटिकल्स लिमिटेड काठमाडौंको औषधी सौजन्यमा लायन्स इन्टरनेसनल ३२५ के अन्तर्गत लायन्स क्लब अफ काठमाडौँ ड्रिमसिटी, इन्टरनेसनल काभ्रेपलान्चोक सेवा समाज तथा काभ्रेली सेवा समाज बेल्जियमको संयुक्त आयोजनामा पाँचखाल नगरपालिका-१३, कोशीदेखा, काभ्रेपलान्चोकमा बृहत् निःशुल्क स्वास्थ्य शिविर सम्पन्न भएको छ ।
शिविरमा शहीद गंगालाल राष्ट्रिय हृदय रोग केन्द्रका वरिष्ठ मुटुरोग विशेषज्ञ डा.सतिशकुमार शाह र वीर अस्पतालका जनरल फिजिसियन डा.सरोजकुमार शाहको मेडिकल टिममा सञ्चालित सो कार्यक्रममा करिब ४०० जना काभ्रेली जनताले प्रत्यक्ष लाभ लिएको इन्टरनेसनल काभ्रेपलान्चोक सेवा समाजका अध्यक्ष दिनेश उप्रेतीले जानकारी दिनुभयो ।
उक्त शिविरमा ओम मेगाश्री फर्मास्युटिकल्स लिमिटेडले करीब ४ लाख बराबरको औषधि सौजन्य गरेकोबारे लायन्स क्लब अफ काठमाडौँ ड्रिमसिटीका अध्यक्ष राजिन पनेरूले जानकारी दिनुभयो। कार्यक्रममा आफ्नो मन्तब्य राख्दै अध्यक्ष पनेरुले गाउँघरमा रहेका अशक्त एवम् वृद्धवृद्धाहरूलाई लक्षित गरी गरिएको स्वास्थ्य शिविरले सो वर्गले प्रत्यक्ष राहत प्राप्त गरेको र यस किसिमको कार्यमा सबै निकाय लाग्नुपर्ने बताउनुभयो ।
मुटु र मधुमेह रोगलाई लक्षित गरी गरिएको कार्यक्रममा सेवा लिन आएका बिरामीहरू मध्ये अधिकांशमा उच्च रक्तचापको समस्या भयका विरामी देखा परेको मुटुरोग विशेषज्ञ डा.सतिशकुमार शाहले बताउनु भयो ।
कार्यक्रममा वडा नं. १३ का वडाध्यक्ष सुकवीर तामाङले राज्यले गर्न नसकेको कामलाई स्वास्थ्य क्षेत्रमा पहिलो पटक आइपिओ ल्याएर जनतालाई लगानी गर्ने सुवअसर प्रदान गर्ने ओम मेगाश्री, लायन्स र काभ्रेपलान्चोक सेवा समाजले गरिदिएर सयौँ काभ्रेली जनतालाई गुन लगाएको बताउनुभयो । ‘घरआँगनमै उच्च प्रविधियुक्त सामग्रीका माध्मबाट मुटु परीक्षण गर्न पाएँ; सबैलाई धेरै धन्यवाद’ उहाँले भन्नुभयो । शिविरले विशेष गरी सहरी पहुँचबाट टाढा रहेका, आर्थिक रूपमा विपन्न जेष्ठ नागरिक एवम् अशक्त समुदायलाई राहत पुगेको जोन चियेर पर्सन लायन गोपालप्रसाद सापकोटाले बताउनुभयो ।
कार्यक्रममा पाँचखाल नगरपालिकाका नगर प्रमुख महेश खरेल, इन्टरनेसनल काभ्रेपलान्चोक सेवा समाजका उपाध्यक्ष जेनकुमार वाइबा, कोषाध्यक्ष यमप्रसाद श्रेष्ठ, कार्यक्रम संयोजक लायन टिकाराम भट्ट, लायन दीपक पनेरू, लायन दीपेन्द्र बास्तोला, ओम मेगाश्री फर्मास्युटिकल्सका प्रकुमेन्टस् डाइरेक्टर प्रगति पौडेल, काभ्रे समाज सेवा नेपालका अध्यक्ष प्रह्लाद के.सी. एवम् पूर्व सचिव रामशरण रेग्मी, पाँचखाल चेम्बर अफ कमर्सका कार्यकारी अधिकृत नवीनप्रकाश निरौला, श्री राम मा.वि.का प्रधानाध्यापक नवराज न्यौपाने, समाजसेवी राजेन्द्र लुइटेल, केशव शिवाकोटी र पालिकाका स्वास्थ्य शाखा प्रमुख विष्णु गौतमलगायतको उपस्थिति रहेको थियो ।
