बागमती श्रेष्ठ
चितवन । पुस्पाञ्जली हस्पिटल प्रा.लि.भरतपुर र उद्योग वाणिज्य संघ चितवन बीच स्वास्थ्य सेवा सहुलियत सम्बन्धी सम्झौता सम्पन्न भएको छ । आज बिहीबार अस्पतालमा आयोजित कार्यक्रममा दुई संस्थाका प्रतिनिधि बीच सेवा सहुलियत सम्बन्धी सम्झौता पत्रमा हस्ताक्षर गरिएको हो ।
आज भयको सम्झौता अनुसार पुस्पाञ्जली हस्पिटल प्रा.लि.मा सेवा लिन आउने संघका सदस्यहरूले बेडचार्ज,प्रयोगशाला सेवा ,इसिजि,मुटुको भिडियो एक्सरे, भिडियो एक्सरे,एक्सरे लगायतको सेवामा २५ प्रतिशत तथा अप्रेशन सेवा,सिटिस्क्यान र क्याविन सेवामा १० प्रतिशत र फार्मेसी सेवामा ७ प्रतिशत सहुलियत प्राप्त गर्नेछन् । साथै संघका सदस्यसहित उनीहरूका परिवारका सदस्यहरूले समेत यो सुविधा पाउने हस्पिटलका प्रवन्धक सञ्चालक सुजनराज अधिकारीले जानकारी दिनुभयो। सहुलियत सुविधा प्राप्त गर्नको लागि उद्योग वाणिज्य संघ चितवनमा आवद्ध सदस्यहरूले संघबाट उपलब्ध गराईएको सदस्यता परिचय पत्र देखाउनु पर्नेछ र संघको सदस्यता नवीकरण भएको हुनुपर्ने उल्लेख गरिएको छ।
सम्झौता कार्यक्रमलाई सम्बोधन गर्नुहुँदै हस्पिटलका वरिष्ठ फिजिसियन डा.भोजराज अधिकारीले उद्योग वाणिज्य संघ चितवनमा आवद्ध सदस्यलाई सेवा सुविधा दिन पाउँदा आफू र हस्पिटल परिवार निकै खुशी भयको बताउँदै पछिल्ला दिनहरुमा स्वास्थ्य सेवा र सचेतना अभियानमा संग – संगै सहकार्य गर्दै अगाडि बढ्ने धारणा राख्नु भएको थियो।
सम्झौता पत्रमा पुस्पाञ्जली हस्पिटल प्रा.लि.भरतपुरका प्रबन्धक सञ्चालक सुजनराज अधिकारी र संघका अध्यक्ष सुमनकुमार श्रेष्ठले संयुक्तरूपमा हस्ताक्षर गर्नुभएको थियो। सो सम्झौता पत्र हस्ताक्षर कार्यक्रममा संघका बरिष्ठ उपाध्यक्ष चिरञ्जीवी सुवेदी,उपाध्यक्ष राजेन्द्र ओली,कार्यकारी निर्देशक निलबहादुर केसी,पुस्पाञ्जली हस्पिटल प्रा. लि.का सामाजिक इकाई प्रमुख केदार सुवेदी,व्यवस्थापक सुमन खनाल लगायतको उल्लेख्य उपस्थिति रहेको थियो ।
पछिल्लो समय यो अस्पताल १०० शैयाको आधुनिक भवन र विशिष्टकृत विषेशज्ञ सेवा सहित सामाजिक कार्यमा यसैगरी लागि परिरहेको हस्पिटलका व्यवस्थापक सुमन खनालले बताउनुभयो।
