स्वास्थ्य सेवाको पहुंँच पुर्याउन नीजि क्षेत्रको भुमिका महत्वपूर्ण

चितवन । स्वास्थ्य सेवाको सबैतिर पहुंँच पुर्याउन नीजि क्षेत्रका स्वास्थ्य संस्थाहरुको भूमिका महत्वपुर्ण रहेको सरोकारवालाले बताएका छन । सरकारी स्वास्थ्य संस्थामा भएको श्रोतसाधन तथा जनशक्तिको अभावलाई नीजि क्षेत्रले सहयोग पुरयाएको भन्दै उनीहरुले दुई क्षेत्रबीच हातेमालो गर्नुपर्नेमा जोड दिएका हुन् । इपिडीमियोलोजी तथा रोग नियन्त्रण महाशाखा टेकुले आज भरतपुरमा आयोजना गरेको ‘नसर्ने रोग तथा मानसिक स्वास्थ्य क्षेत्रमा नीजि क्षेत्रको योगदान सहकार्य र आगामी कार्यदिशा’ विषयक कार्यक्रममा उनीहरुले सरकारसंँग सहकार्य गरेर अघि बढ्नु पर्ने बताएका हुन् ।
कार्यक्रममा सरकारी स्वास्थ्य संस्थाका प्रतिनिधि , नीजि अस्पतालका प्रतिनिधि एवं विज्ञ लगायतको सहभागिता रहेको थियो ।

सो अवसरमा बोल्दै मानसिक रोग बिशेषज्ञ डा. केदार मरहठ्ठाले नीजि क्षेत्रले अन्य सर्ने रोग तथा नसर्ने एवं मानसिक रोगको सेवा र उपचारमा ठूलो क्षेत्र ओगटेको बताउनु भयो । सरकारी स्वास्थ्य संस्थामा प्रशस्त प्रविधि एवं श्रोत साधन कम रहेको भन्दै यसको परिपुर्ती नीजि क्षेत्रले गरको उहांँले बताउनु भयो । स्वास्थ्य सेवामा नीजि क्षेत्रको योगदान उच्च रहेकोले निजी क्षेत्रलाई व्यवस्थापन गर्नुपर्नेमा उहांँले जोड दिनुभयो ।

जनस्वास्थ्य कार्यालय चितवनका प्रमुख दिनेश रुपाखेतीले हरेक रोगको न्यूनीकरण र उपचारका लागि नीजी स्वास्थ्य संस्थाको भुमिका महत्वपूर्ण रहेको बताउनु भयो । नीजी स्वास्थ्य संस्थाको नियमनका साथै हातेमालो गर्दै जानुपर्नेमा उहांँले जोड दिनुभयो ।
इपिमिडीयोलोजीका निर्देशक डा.चन्द्रलाल झाले नसर्ने रोगको चुनौति बढेको भन्दै यसको न्युनिकरणका लागि नीजि अस्पतालको साथै हरेका सरोकारवालको दायित्व उत्तिकै रहने बताउनु भयो । नीजि क्षेत्र प्रविधि स्रोत साधन र सेवाको गुणस्तरीयतामा अघि बढेकोले पनि सरकारले नीजि क्षेत्रसंँग सहकार्य गर्नुपर्नेमा उहांँको जोड थियो ।

नीजि स्वास्थ्य संस्थाहरुको संघ एशोसियसन अफ प्राईभेट इन्सिच्युएसन नेपाल, (अफिन) का कोशी प्रदेशका अध्यक्ष डा. शंकर प्रसाद अधिकारीले चाहेर वा नचाहेर भएपनि स्वास्थ्य सेवामा ६० प्रतिशत हिस्सा नीजि क्षेत्रको रहेको बताउनु भयो । विदेशमा स्वास्थ्य सेवा अत्यधिक महंगो रहेकोले स्वदेशका नीजि अस्पतालहरु विदेशकै जत्तिकै सेवा दिने क्षमता रहेको बताउनु भयो । यस क्षेत्रको लगानी सुरक्षित बनाएर नीति निर्मांण सुधार्न जरुरी रहेको बताउनु भयो ।

अफिन चितवनका अध्यक्ष बिक्रम अधिकारीले नीजि क्षेत्र सरकारसंँग साझेदारी गर्न हरदम तयार रहेको बताउनु भयो । सरकारी निकायसंँग अस्वस्थ प्रतिस्पर्धा नभई नीजि क्षेत्र सहकार्य गर्न तयार रहेको उहांँको भनाई थियो । कार्यक्रममा इपिडीमियोलोजी शाखा प्रमुख डा. पोमावत्ती थापाले नसर्ने तथा मानसिक रोग न्यूनिकरणमा सरकारले धेरै लगानी गरेको जानकारी दिदंै यस्ता रोगको न्यूनिकरणका लागि नीजि क्षेत्रको भूमिका महत्वपूर्ण रहेको उहांँको भनाई थियो । कार्यक्रममा देशभरबाट नीजि अस्पतालका सञ्चालक, बिषेशज्ञ विज्ञ, स्वास्थ्यकर्मी लगायतको सहभागिता थियो ।