गैंडाकोट । लायन्स क्लब अफ चितवन सेन्ट्रलले मधुमेह , टिबी रोग र नशाको समस्या बाट पीडित चिन्तामणी महत्तोलाई आर्थिक सहयोग गरेको छ । गैंडाकोट नगरपालिका वडा नं १ गंगा नगर निवासी ३९ बर्षीय महतो लाई ३५००० (पैतीस हजार) रुपैंया आर्थिक सहयोग गरेको हो ।
क्लबका अध्यक्ष सन्तोष मल्लिकले महत्तोलाई १लाख स्वास्थ्य बीमाका लागि रु.३५००÷– सहित ३५,०००( पैतीस हजार ) रुपैंया दिईएको जानकारी दिए ।
महत्तोको घरमै पुगेर क्लबका सदस्य सहितको टोलीले सो रकम हस्तान्तरण गरेका हुन्।
क्लबका पूर्व अध्यक्ष लायन सुमन बर्तौलाले लायन्स क्लव अन्तर्राष्ट्रियको मुख्य उद्देश्य “मानव सेवा नै धर्म हो“ भन्ने मूलमन्त्र भएकाले महत्तोलाई सहयोग गरेको बताए । समाजमा विभिन्न कारणले पीडादायक जीवन भोग्न बाध्य नागरिकलाई सेवा गर्न पाएकोमा उनले खुसी व्यक्त गरे ।
बिरामी महत्तोको थप उपचारका लागि क्लबले स्वास्थ्य संस्था सँग सहजीकरण गरी उपचारमा सहजता प्रदान गरिने बताएको छ।
