चितवन । नेपाल नेत्र सहायक परिवारको अध्यक्षमा रमेश घिमिरे चयन हुनु भएको छ । संस्थाको चौथो राष्ट्रिय अधिवेशनले शनिबार घिमिरेलाई अध्यक्षमा सर्वसम्मत समिति चयन गरेको हो ।
समितिको वरिष्ठ उपाध्यक्षमा नवीन कुमार राजबंशी, उपाध्यक्षमा भवानी प्रसाद पाठक, महासचिवमा रमेश प्रधान, सचिबमा महेश पराजुली, कोषाध्यक्षमा सन्तोस घिमिरे रसहकोषाध्यक्षमा दमन अधिकारी चयन हुनु भएको छ ।
त्यस्तै समितिको सदस्यमा डबल अधिकारी, रामानन्द बिश्वोकर्मा, इन्दिरा उदय जोशी, बिश्वेशोर जोशी, सुशील कुमार मेहता, दिपेन्द्र कुमार चौधरी, सुजित कुमार शाह, दिपेश कुमर राम, बिमल घिमिरे, मुहम्मद अफ्ताब आलम, पुण्य प्रसाद अधिकारी र कल्याण ढुंगाना चयन हुनु भएको छ । इन्द्र कुमार सिंह र किरण मैयाँ थापालाई सदस्यमा मनोनित गरिएको छ ।
२०४८ सालमा जिल्ला प्रशासन कार्यालय काठमाण्डौंमा दर्ता भएको यो संस्थाको बिसं २०६० सालमा पहिलो अधिवेशन भैरहवामा, दोस्रो अधिवेशन बिसं २०६८ मा काठमाण्डौं र तेस्रो २०७३ सालमा काठमाण्डौंमा भएको थियो । द दुई वर्ष कार्यकाल भएपनि विगतमा कोभिड लगायतका कारण अधिवेशन नियमित हुन सकेको थिएन ।
नेपालमा आठ सय हाराहारी नेत्र सहायक रहेका छन् । अन्धोपन निवारण तथा आँखा सेवालाई व्यवस्थित, मर्यादित र अनुशासित ढंगबाट सञ्चालन गर्न नेत्र सहायकहरुको भूमिका र योगदान महत्वपूर्ण रहने बताउँदै घिमिरेले पेशागत समस्या र सुरक्षाका साथ परिस्कृत रुपमा अन्धोपना न्यूनिकरणमा संस्थागत टेवा पु¥याउने बताउनु भयो ।
नवनिर्वाचित अध्यक्ष घिमिरेले नेत्र सहायकहरुको पेशागत हकहित र आँखा उपचारका लागि निरन्तर लागिरहने प्रतिबद्धता व्यक्त गर्नुभयो । उहाँले संस्था विगतमा निस्क्रिय जस्तै रहेको भन्दै अब संस्थालाई चलायमान बनाउँदै लैजाने बताउनुभयो ।
