भरतपुर सामुदायिक अस्पतालमा थाइराइड सचेतना शिविर , १२० स्वास्थ्यकर्मीलाई अभिमुखीकरण

चितवन । विश्व थाइराइड दिवसको अवसर पारेर चितवनको भरतपुर सामुदायिक अस्पतालमा थाईराइड सचेतना शिविर सम्पन्न गरिएको छ । अस्पतालको आयोजना तथा फिजिसियन डा.महेन्द्र अग्रहरीको संयोजकत्वमा आज अस्पताल परिषरमा जिल्लाका १२० जना नर्स तथा स्वास्थ्य सहायकलाई अभिमुखकीकरण गरिएको हो ।

थाइराइडबारे स्वास्थ्यकर्मी मार्फत सचेतना दिने उद्धेश्यसहित थाईराईड सचेतना शिविर आयोजना गरिएको डा. अग्रहरीले बताउनु भयो । शिविरमा उहांँले स्वास्थ्यकर्मीलाई थाइराइड रोगबारे अभिमुखीकरण तथा प्रशिक्षण दिनुभएको थियो ।

अस्पतालका वरिष्ठ स्त्री तथा प्रसुति विशेषज्ञ डा. सुनीलमणी पोख्रेलले गर्भवतीमा हुने थाइराइडको बिषयमा सचेतना दिनुभएको थियो । गर्भवती भएको समयमा थाईराइड हुंँदा हुने समस्या, लक्षण, उपचार पद्धतिको बारे प्रशिक्षण दिनुभएको थियो । थाइराइड दिवसको अवसरमा अस्पतालले विरामीको लागि उपचारमा ५० प्रतिशत छुट उपलब्ध गराईएको डा अग्रहरीले जानकारी दिनुभयो ।