अफिन चितवनको अध्यक्षमा अधिकारी

भरतपुर । निजी अस्पताल समन्वय समिति (अफिन)चितवनको सातौं साधारण सभा एवं चौथो अधिवेशन सम्पन्न भएको छ । आज भरतपुरमा भएको चौथो अधिवेशनले विक्रम अधिकारीको अध्यक्षतामा नौं सदस्यीय कार्यसमिति समेत चयन गरेको छ ।

आज सम्पन्न चौथौं अधिवेसनबाट उपाध्यक्ष पदमा भरत रेग्मी ,सचिवमा रघुनाथ सापकोटा ,सहसचिवमा ऋषि रमण खनाल साथै कोषाध्यक्ष पदमा विष्णु कुँवर चयन हुनुभएको हो । समितिको सदस्यहरुमा दिपक गुरुङ , दिलिप घिमिरे , महेश पाण्डे र रमेश खनियाँ निर्वाचित हुनुभएको छ ।

कार्यक्रमको प्रमुख अतिथि भरतपुर महानगरपालिकाकी प्रमुख रेनु दाहाल, अफिनका केन्द्रीय अध्यक्ष पदम खड्का , भरतपुर महानगरपालिकाको उपप्रमुख चित्रशेन अधिकारी , डा. भोजराज अधिकारी ,भरतपुर १० का वडाअध्यक्ष परमेश्वर खनाल लगाएतको उपस्थिति रहेको थियो । कार्यक्रममा संस्थाका निवर्तमान अध्यक्ष ई .नारायण सिं कुँवरलाई सम्मान गरिएको थियो ।