चितवन । सजिलो बचत तथा ऋण सहकारी संस्था (साकोस) को आयोजनामा,कलेज अफ मेडिकल साइन्सेस(पुरानो मेडिकल कलेज)को प्राविधिक सहयोगमा र कस्तुरी फर्मास्युटिकल्स प्रा लि को औषधि सहयोगमा एक दिने बृहत् निशुल्क स्वास्थ्य शिविर कार्यक्रम सम्पन्न भएको छ।
सजिलो साकोसको १३औं स्थापना दिवसको अवसरमा आयोजित उक्त निःशुल्क शिविरको अध्यक्षता साकोसका अध्यक्ष देबीलाल गौतमले गर्नुभएको थियो ।
प्रमुख अतिथि भरतपुर वडा नम्बर २१ का अध्यक्ष कृष्ण कुमार गुरुङ रहनुभएको कार्यक्रममा पुरानो मेडिकल कलेजका जन सम्पर्क तथा बजार बिभाग प्रमुख दुर्गा प्रसाद न्यौपाने , कस्तुरी फर्मास्युटिकल्स का प्रशासन प्रमुख सुदिप निउरे बिशिस्ट अतिथि रहनुभएको थियो। कार्यक्रमको संयोजन तथा संञ्चालन कर्ण विश्वकर्माले गर्नुभएको थियो।
सो अवसरमा बोल्दै प्रमुख अतिथि गुरुङ्गले पश्चिम चितवनका अन्य क्षेत्रमा समेत स्वास्थ्य सचेतता सम्बन्धि यस्ता जनमुखी कार्यक्रमहरुलाइ निरन्तरता दिइने बताउनु भयो। आयोजक संस्थाका अध्यक्ष गौतमले भबिष्यमा पनि यस्ता कार्यक्रमलाई अन्य सेवाकेन्द्रमा समेत सञ्चालन गर्नुपर्नेमा जोड दिनुभयो । कस्तुरी फर्माका प्रशासकीय अधिकृत सुदीप निउरेले यस क्षेत्रका फार्मेसीका विद्यार्थीहरुलाई रोजगारीको अवसर प्रदान गरिने बताउनु भयो।
दुईसय जना बढी सेवा ग्राही लाभान्वित भएको उक्त शिबिरमा अस्पतालका तर्फबाट डा श्वेता केसी ,डा पूजा यादब,डा बिजय भुसाल,डा सुमन अर्याल,डा राहुल मित्तल,डा पन्कज कुमार शाह,डा फैजल खान,डा निभा हमाल,डा कल्याण आचार्य,डा सफल राजभण्डारी, अशिम ज्ञवालीले स्वास्थ्य चेकजांँच गर्नुभएको थियो ।
यस्तै शिविरमा डा.सोनी दुवाल,डा किरण अधिकारी, डा.बर्षा दाहाल,सन्तोशी क्षेत्री,बिनिशा कार्की,रोहित कुमार यादव ,पृतिका जैसवाल, प्रबिण उपाध्याय लगायतले बालरोग, जनरल फिजिसियन,हाड जोर्नी तथा नशा,स्त्री तथा प्रसुती,नाक कान तथा घाटी,दन्त रोग बिधामा विशेषज्ञ सेवा प्रदान गर्नुभएको थियो ।
निजि क्षेत्रको नेपालकै जेठो शिक्षण अस्पताल पुरानो मेडिकल कलेजले बिगत ३ दसक देखि गुणस्तरीय चिकित्सा शिक्षा तथा स्वास्थ्य सेवा दिइरहेको छ। स्वास्थ्य बिमा, सामाजिक सुरक्षा औषधि उपचार सेवा कार्यक्रम लागू भएको यस अस्पतालमा मध्य नेपाल लगायत भारतबाट समेत उपचारका लागि
दैनिक हजारौं बिरामीहरु आउने गरेका छन।विभिन्न संघ सस्थाहरु संँग पारस्परिक हितमा हातेमालो गर्दै दुर दराजमा गुणस्तरीय स्वास्थ्य सेवा उपलब्ध गराउदै जाने र संस्थागत सामाजिक उत्तरदायित्व अन्तर्गत विभिन्न स्वास्थ्य तथा सचेतता सम्बन्धि विभिन्न कार्यक्रमहरु अझ प्रभाबकारी ढंगले गर्दै जाने अस्पतालका जनसम्पर्क बिभाग प्रमुख दुर्गा प्रसाद न्यौपानेले बताउनु भयो ।
