चितवन । विपी कोइराला मेमोरियल क्यान्सर अस्पताल भरतपुरकी लेखा अधिकृत घुस सहित रङ्गेहात पक्राउ परेकी छन् । अस्पतालका लेखा अधिकृत अमृता कोइराला भरतपुरको एक रेष्टुरेण्टबाट घुससहित पक्राउ परेकी हुन् ।
अख्तियार दुरुपयोग अनुसन्धान आयोग हेटौंडाको टोलीले कोइरालालाई आज दिउसो डेढलाख रुपैंया नगद र सांँढे चारलाखको चेकसहित पक्राउ परेको सूचना अधिकारी गोविन्दप्रसाद गौतमले जानकारी दिए ।
कोइरालाले उक्त घुस रकम एक औषधि कम्पनीसँग लिन लागेको बेला अख्तियारको टोलीले पक्राउ गरेको हो । यसअघिपनि कोइरालाले घुस नलिएसम्म भुक्तानीका लागि चेक नै नबनाउने गरेको आरोप लाग्दै आएको थियो ।
अस्पतालका कार्यकारी निर्देशक डा. शिवजी पौडेलले चितवन बाहिर रहेको यसबारे आफु अनविज्ञ रहेको बताए ।
- आइतबार, साउन ०६, २०८१ मा प्रकाशित
तपाईको प्रतिक्रिया
संबन्धित शिर्षकहरु
