चितवन । चिवनमा डेङ्गी सङ्क्रमणले एकजना पुरुषकोे ज्यान गएको छ । भरतपुर महानगरपालिका–२ का ६३ वर्षीय पुरुषको ज्यान गएको हो ।
स्वास्थ्य कार्यालय चितवनका अनुसार चितवन मेडिकल कलेजमा उपचारार्थ उनको शनिबार मृत्यु भएको हो । कार्यालयका जनस्वास्थ्य अधिकृत विमल पटेलले ती बिरामी ज्वरो आएर शुक्रबार मेडिकल कलेजमा भर्ना भएका थिए ।
चितवनका विभिन्न अस्पतालमा उपचारका लागि आएका बिरामीमध्ये सात सय २७ जनामा डेङ्गीको सङ्क्रमण देखिएको छ । तीन हजार ४४ जनाको परीक्षणका क्रममा उनीहरूमा यो रोगको सङ्क्रमण देखिएको हो । सङ्क्रमितमध्ये पाँच सय ३२ जना चितवनका र अन्य बाहिरी जिल्लाका छन् ।
