पुष्पाञ्जली हस्पिटल र चितवन सामुदायिक सहकारी बीच सम्झौता सम्पन्न ।

स्वास्थ्य दर्पण
भरतपुर । चितवनमा रहेको पुष्पाञ्जली हस्पिटल प्रा.लि. र चितवन सामुदायिक बचत तथा ऋण सहकारी संस्था लि. बीच स्वास्थ्यसेवा प्रदान गर्नेबारे सम्झौता भएको छ । चितवन सामुदायिक बचत तथा ऋण सहकारीका शेयर सदस्य तथा उनीहरूका परिवारलाई उपचार लगातमा हस्पिटलले छुट दिने विषयमा दुईपक्षीय सम्झौता भएको हो ।

पुष्पाञ्जली हस्पिटल प्रा.लि.को तर्फबाट प्रबन्ध निर्देशक सुजनराज अधिकारी र चितवन सामुदायिक बचत तथा ऋण सहकारी लि.का अध्यक्ष दीपकराज खनालले उक्त सम्झौता पत्रमा हस्ताक्षर गर्नु भएको थियो। सम्झौता पत्रमा सहकारीका सदस्य तथा परिवारको स्वास्थ्य परीक्षणमा २५% छूटको गरिनेछ । प्रयोगशाला परीक्षण, बेड सेवा, इसिजी, भिडियो एक्सरे, सिटी स्क्यान लगायतका सेवाहरुमा पनि छुट सुविधा पाउने भएका हुन् , यस्तै औषधि खरिदमा ७ प्रतिशत छुट सुविधा रहनेछ । सो क्रममा अस्पतालका वरिष्ठ फिजिसियन डाक्टर भोजराज अधिकारीले जनताको स्वास्थ्यप्रति अस्पताल र आफू सधैं गम्भिर रहेको भनाई राख्नुभएको थियो। डा.अधिकारीले जनताको स्वास्थ्य परिक्षण कार्यक्रम गाँउघरमा नै अथवा प्याकेजमा अस्पतालमै गरिने बताउनु भयो ।

सहकारीका अध्यक्ष दिपक राज खनालले अस्पतालबाट स्वास्थ्य सेवाको विषयमा सहकार्य गर्न पाएकोमा खुसी व्यक्त गर्नुभयो। अस्पताल संग भयको सम्झौता कार्यक्रममा साकोसकी सचिब पार्वती खड्का,सह सचिव मैयादेवी काफ्ले,सञ्चालकद्धय दीपेन्द्र पौडेल,श्रीप्रसाद ढुंगाना, ब्यबस्थापक दुर्गादेवी दुरा लगायतको सहभागीत रहेको थियो ।