चितवन । भरतपुरस्थित पुष्पाञ्जली अस्पताल प्रा.लि.,बिद्युत व्यवसायी बचत तथा ऋण सहकारी संस्था लि.र विद्युत व्यवसायी संघ चितवनबीच स्वास्थ्य उपचार सहुलियत सम्बन्धी समझौता सम्पन्न भएको छ।
सम्झौता कार्यकममा पुष्पाञ्जली अस्पतालका प्रबन्ध निर्देशक सुजनराज अधिकारी,बिद्युत व्यवसायी संघ चितवनका अध्यक्ष विष्णुप्रसाद चालिसे र बिद्युत व्यवसायी बचत तथा ऋण सहकारी संस्था लि.का अध्यक्ष डोलराम न्यौपानेको उपस्थितिमा सम्झौता गरिएको हो।
सम्झौताअनुसार,चितवन जिल्लाका बिद्युत व्यवसायी संघका पदाधिकारी,व्यवसायिक सदस्य,कर्मचारी र उनीहरूका परिवारका सदस्यहरूले पुष्पाञ्जली अस्पतालमा स्वास्थ्य परीक्षण तथा उपचार सेवामा पच्चीस प्रतिशतसम्म छुट पाउने अस्पतालका प्रबन्ध निर्देशक अधिकारीले जानकारी दिनुभयो। सेवाग्राहीले छुट सेवा लिन आउँदा संस्थाको परिचय पत्र वा आधिकारिक पत्र अनिवार्य रूपमा पेश गर्नुपर्ने उल्लेख गरिएको छ।
सम्झौतामा उल्लेख गरिए अनुसार हस्पिटलबाट प्रवाह हुने सेवाहरू जस्तै:बेड चार्ज,ल्याब टेस्ट,ईसिजी,इको,भिडियो एक्सरे, एक्सरेलगायतका सेवामा पच्चीस प्रतिशत छुट साथै अप्रेशन, सिटीस्क्यान र क्याबिन बेडमा भने दशप्रतिशत छुट पाउनेछन्, त्यस्तैगरी औषधीमा सात प्रतिशत छुट प्रदान दिइनेछ।
अस्पतालका सामाजिक सेवा एकाइ प्रमुख केदार प्रसाद सुवेदीका अनुसार सम्झौता कार्यक्रममा अस्पतालका वरिष्ठ फिजिसियन डा.भोजराज अधिकारीले अस्पतालबाट प्रदान गरिने सेवासंगै सामाजिक उत्तरदायित्व अनुसार विभिन्न ग्रामीण क्षेत्रमा गरिँदै आएको स्वास्थ्य सचेतनामुलक सहितको स्वास्थ्य शिविर कार्यक्रमलाई थप प्राथमिकताका साथ सञ्चालन गर्ने बताउनु भयको थियो।
