चितवन । पुष्पाञ्जली हस्पिटल प्रा.लि.भरतपुर र गुल्मी चितवनमैत्री समाज,चितवन बीच स्वास्थ्य उपचार सेवा सम्बन्धी सम्झौता सम्पन्न भएको छ।
सम्झौता कार्यक्रममा हस्पिटलका तर्फबाट अध्यक्ष चेतनाथ वाग्ले , वरिष्ठ फिजिसियन डा.भोजराज अधिकारी,प्रवन्ध निर्देशक सुजनराज अधिकारीलगायत बोर्ड सदस्य र गुल्मी चितवनमैत्री समाज,चितवनका तर्फबाट अध्यक्ष बिक्रम सापकोटासहित कार्यसमिति सदस्यहरुको उपस्थिति रहेको अस्पतालका सामाजिक सेवा इकाई प्रमुख तथा सूचना अधिकारी श्री केदार प्रसाद सुवेदीले जानकारी दिनुभयो।
पुष्पाञ्जली अस्पतालमा गुल्मी समाजका सदस्यहरूले स्वास्थ्य परीक्षण तथा उपचार सेवामा पच्चीस प्रतिशतसम्म छुट पाउने अस्पतालका वरिष्ठ फिजिसियन डा.भोजराज अधिकारीले जानकारी दिनुभयो। सेवाग्राहीले छुट सेवा लिन आउँदा संस्थाको आधिकारिक परिचयपत्र अनिवार्य रूपमा पेश गर्नुपर्ने उल्लेख गरिएकोबारे अस्पतालका प्रबन्ध निर्देशक सुजन अधिकारीले बताउनु दिनुभयो।
सम्झौतामा उल्लेख गरिए अनुसार हस्पिटलबाट प्रवाह हुने सेवाहरू जस्तै:ईसिजी,इको,भिडियो एक्सरे,बेड चार्ज,ल्याब टेस्टलगायत सेवामा पच्चीस प्रतिशत छुट साथै अप्रेशन,सिटीस्क्यान र क्याबिन बेडमा भने दशप्रतिशत छुट पाउनेछन्,त्यस्तैगरी औषधीमा सात प्रतिशत छुट प्रदान गरिएको छ।
