तनहुँ ।‘रक्तदान नै जीवन दान हो’ भन्ने मूल मर्मका साथ आज आयोजित रक्तदान कार्यक्रममा एक सय ११ पिन्ट रगत सङ्कलन भएको छ । रगत अभावका कारण कसैले पनि अकालमा ज्यान गुमाउन नपरोस् भन्ने उद्देश्यले रक्तसङ्कलन कार्यक्रम आयोजना गरेको आयोजक लायन्स क्लबले जनाएको छ ।
क्लबका जोन चियर पर्सन लायन्स सुजित हीराचनले सामाजिक क्षेत्रमा सक्रिय भूमिका निर्वाह गर्दै आएको लायन्स क्लबले सामाजिक कार्यलाई केन्द्रित गरी रक्तदान कार्यक्रमको आयोजना गरिएको बताउनुभयो । जिल्लामा रगतको अभाव हुन नदिन पछिल्लो समय विभिन्न सङ्घसंस्थाले रक्तदान कार्यक्रम गर्दै आएका छन् । रासस
