ल्याप्रोस्कोपिक प्रविधि र सेवा

पुरानो प्रविधि र पद्धति बाट पेटमा ठाडो वा तेस्र्रो लामो चिरा पारेर गरिने शल्यक्रियाको अर्को विकसित तरिका अनुसार पेटमा स–सना घाउ बनाई पेटको भित्री अंगमा भएको समस्या हेर्ने तथा उपचार गर्ने उच्चतम आधुनिक प्रविधि नै ल्याप्रोस्कोपिक सर्जरी हो ।
केही वर्ष पहिले मात्रै महिला दिदीवहिनीहरुको पाठेघरको शल्यक्रिया गर्नु पर्दा पेट चिरेर गर्नुपर्ने अवस्था थियो ।

जसले गर्दा शल्यक्रिया गरेको घाउ छिटो निको नहुने र विरामीलाई लामो समय आराम गर्नुपर्ने लगायतका धेरै बाध्यता हुने गर्दथ्यो । पाठेघरको यस खाले उपचार पद्धतिको विकल्पमा विना चिरफार पीडा विना सानो प्वाल पारी ल्याप्रोस्कोपिक पद्धतिको माध्यम बाट विरामीको उपचार गर्ने प्रविधिको आवश्यकता अनुसार हाल संसारमा यसको निकै प्रभावकारिता संगै लोकप्रियता समेत बढिरहेको देख्न सकिन्छ ।

नेपालमा पनि विरामीको पाठेघरको शल्यक्रिया गर्नुपर्दा माथि उल्लेख गरिए जस्तै ओपन सर्जरी गर्नुपर्ने अवस्था विस्तारै कम हुदैँ गएको छ । काठमाडौं र नेपालका धेरै शहरहरुमा ल्याप्रोस्कोपिक पद्धतिका सेवा दिन सक्ने दक्ष जनसक्ति मार्फत विरामीहरुको रुचि र ईच्छा अनुसार यो खाले ल्याप्रोस्कोपिक सेवा उपलब्ध रहेको छ । मधेश प्रदेशको वीरगंज शहरमा पनि हाम्रो दक्ष मेडिकल टिमले केही वर्ष देखि उत्कृष्ट सेवा प्रदान गदैं आहिरहेका छौं ।

मधेश प्रदेश र छिमेकी राष्ट्र भारतका विभिन्न क्षेत्र बाट समेत सयौं विरामीहरु वीरगंजमा यो प्रविधिको सेवा लिन आहुने गर्नुहुन्छ । यो ठाउँका विरामीहरुको लागि यो सेवा प्रवाहले गर्दा विरामीहरुमा आर्थिक र अन्य शहरहरुमा जानुपर्ने समयको बचत हुनाले विरामीहरुको पनि निकै आर्कषण देखिन्छ ।

यो प्रविधिले पेटमा सानो प्वाल पारेर शल्यक्रिया गरिने हँुदा घाउ पाक्ने,दुखाइको पीडा कम हुने, साथै शल्यक्रिया गरेको ठाउँमा दाग नवस्ने हुनाले पनि महिला दिदीबहिनीहरुमा झनै रोजाईको प्रविधि बन्दै गइरहेको छ । हाम्रो प्रयास पनि आ–आफ्नो सेवा दिईरहेको क्षेत्रमा दक्ष जनशक्ति उत्पादन गर्दै शिक्षा,सचेतना र सेवामा विकाश गर्ने प्रयास निरन्तर रहिरहेको छ ।

लेखक डा.जगत कुमार दीप वरिष्ठ स्त्री तथा प्रसूति रोग विशेषज्ञको रुपमा वीरगंज ॐ हस्पिटल प्रा.लि.,वीरगंजमा कार्यरत हुुनुहुन्छ ।