विपन्न वर्गलाई स्वास्थ्य सेवाको पहुँचमा पुर्याउंँछु : मन्त्री जोशी

चितवन । बागमती प्रदेशका स्वास्थ्यमन्त्री उत्तम जोशीले विपन्न वर्गमा स्वास्थ्य सेवाको पहुँचमा पुर्याउने बताउनु भएको छ ।

बागमती प्रदेश स्वास्थ्य मन्त्रालयको आयोजनामा आज (सोमबार) हेटौंडामा सम्पन्न ‘स्वास्थ्य सबै नीतिमा सम्बन्धित’ बिषेयक कार्यशाला गोष्ठीमा मन्त्री जोशीले यस्तो बताउनुभएको हो । उहाँले स्वास्थ्यको पहुँच हुने खाने वर्गमा निहित रहेको भन्दै हुँदा खानेको पनि पहुँच पुग्नुपर्नेमा जोड दिनुभयो । यसका लागि प्रदेश सरकार प्रतिवद्ध रहेको उहाँको भनाइ थियो ।

मन्त्री जोशीले प्रदेशको स्वास्थ्य सेवाको अवस्थामा सुदृढीकरण गर्दै नागरिकलाई गुणस्तरीय सेवा दिने प्रतिवद्धता पनि जनाउनुभयो । यसका लागि सबै मन्त्रालयहरुको साथ र सहकार्यको अपेक्षा रहेको उहाँले बताउनुभयो । प्रदेशमा बन्ने सबै नीतिहरु स्वास्थ्यको दृष्टिकोणबाट विष्लेषण गरी सम्बोधन गर्नुपर्ने आवश्यकता रहेको उहाँले औंल्याउनुभयो ।

यस्तै समुदायका सबै पक्षहरु तथा सरकारका सबै अङ्गहरुको समन्वय र सहकार्यबाट मात्रै सबैलाई स्वास्थ्यको पहुँचमा पुराउन सकिने उहांँको भनाइ थियो । सबैका लागि स्वास्थ्यको लक्ष्य हासिल गर्न बहुक्षेत्रीय समन्वय आवश्यक रहेको मन्त्री जोशीले बताउनुभयो ।