माडीको स्वास्थ्य शिविरमा तीनसय बढी लाभान्वित

माडी । माडी नगरपालिका वडा नम्बर ९ को गोविन्दबस्तीमा बृहत् स्वास्थ्य शिविर सम्पन्न भएको छ ।
चितवन रोटरी क्लब र चितवन रोट¥याक्ट क्लबको संयुक्त आयोजनामा सम्पन्न स्वास्थ्य शिविरमा ३०६ जना स्थानीय लाभान्वित भएका थिए ।

स्वास्थ्य शिविरमा माडी नगरपालिकाकी मेयर ताराकुमारी काजी महतो, माडी नगरपालिका–९ का अध्यक्ष घनश्याम दवाडी, रोटरी क्लबका पूर्वअध्यक्ष तथा रोटरी डिष्ट्रिक्ट ३२९२ का सल्लाहकार परिषद् सदस्य उत्तमलाल चुके, चितवन रोटरी क्लबका अध्यक्ष दीपक प्रधान, चितवन रोट¥याक्टका अध्यक्ष अच्यूत न्यौपाने, चितवन रोट¥याक्टका पूर्वअध्यक्ष नीरज खनाल, क्लबका सचिव राजन पिया, विक्रम शाह लगायतले मन्तव्य व्यक्त गरेका थिए ।
भरतपुर अस्पतालका रजिष्टर्ड नर्सहरुद्वारा रक्तचापको परीक्षण गरेर सुरू भएको स्वास्थ्य शिविरमा भरतपुर केन्द्रीय अस्पतालका वरिष्ठ विशेषज्ञ डाक्टरबाट हाडजोर्नीसम्बन्धी परीक्षण, सामान्य स्वास्थ्य परीक्षण, मधुमेहको परीक्षण, श्वासप्रश्वाससम्बन्धी जाँच तथा इसिजी सेवाको पनि सुविधा उपलब्ध गराइएको थियो । माडीका विपन्न , पिछडिएका तथा सिमान्तकृत समुदायलाई लक्षित गरी उक्त स्वास्थ्य शिविर आयोजना गरिएको हो ।

चितवन डेन्टल होमका वरिष्ठ दन्तरोग विशेषज्ञहरुबाट दन्त परीक्षण गरिएको स्वास्थ्य शिविर गोविन्दबस्ती आधारभूत विद्यालयमा भएको थियो ।