मेलानले १८औं स्थापना दिवस मनायो

चितवन । मेडिकल ल्यावोरेटरी एसोसिएसन अफ नेपाल (मेलान) ले आफ्नो १८औं स्थापना दिवस मनाएको छ । सामाजिक उत्तरदायित्व बहन गर्दै आज विभिन्न कार्यक्रमहरुको आयोजना गरी देशैभरि आफ्नो स्थापना दिवस मनाएको हो ।

यस्तै गरी मेलान चितवन शाखाले मानव सेवा आश्रम भरतपुरमा रहेका ३ जना बालबालिका,१४ जना पुरुष र ४३ जना महिला गरी ६० जना असाहाय व्यक्तिहरुलाई निशुल्क भोजन गराउँदै आफ्नो शाखाको तर्फबाट १८औं स्थापना दिवसलाई सम्पन्न गरेको संस्थाका सचिव सुरेश खतिवडाले जानकारी दिनुभयो।

उक्त कार्यक्रममा जिल्ला कार्यसमितिका पदाधिकारी सहित करिब १ दर्जन प्रयोगशालाकर्मीहरुको उपस्थिति रहेको थियो । कार्यक्रमका प्रमुख अतिथि मेलानका पूर्व केन्द्रीय सदस्य सुरज अधिकारीले प्रयोगशाला क्षेत्रमा मेलानका सदस्यहरुले पुर्याएको योगदान बारे प्रसंशा गर्दै प्रयोगशाला क्षेत्रलाई सरल, सहज र सेवाग्राही बिच विश्वासको वातावरण निर्माण गर्न सरोकार निकाय बिच संवाद आवश्यक रहेको बताउनुभयो । कार्यक्रम मेलान चितवनका अध्यक्ष तथा वरिष्ठ मेडिकल ल्याब टेक्नोलोजिष्ठ मणी महत्तोको अध्यक्षतामा सम्पन्न भएको थियो ।