लिटिल फ्लावर सोसाईटीद्धारा २२० विपन्न घरलाई खाद्यान्न तथा पोषण वितरण

चितवन । सामाजिक संस्था लिटिल फ्लावर सोसाईटीले माडी नगरपालिका वडा नम्बर ९ स्थित बांँदरझुलाका विपन्न तथा चेपाङ्ग समुदायका २२० घरधुरीलाई खाद्यान्न तथा पोषण वितरण गरेको छ । ती समुदायको दैनिक जीवन सहज होस भन्ने हेतुले आज सोसाईटीले शान्ति मेड नेपालको सहयोगमा उक्त सामाग्री वितरण गरेको हो ।

आज हरेक घरधुरीलाई १ बोरा चामल, र ३ केजी दाल वितरण गरिएको लिटिल फ्लावर स्कुल , नवलपरासी,सेहेरीका प्राचार्य फादर रोवी क्युले जानकारी दिनुभयो । यसको साथै ती विपन्न परिवारका १७५ विद्यार्थीलाई पोषण वितरण गरिएको थियो ।
गतसाता पनि स्कुलले शक्तिखोर र मकवानपुरको राक्सीराङ्ग का विपन्न तथा चेपाङ्ग समुदायलाई खाद्यान्न वितरण गरेको थियो ।

खाद्यान्न वितरण कार्यक्रममा सोसाईटीका निर्देशक फादर विविन, फादर ज्याकव, फादर रिन्स र सचिव गोविन्द पौडेल सहभागी हुनु भएको थियो ।
वितरण कार्यक्रममा वडा नम्बर ९ का अध्यक्ष घनश्याम दवाडी रहनुभएको थियो भने वितरणको संयोजन विनोद चेपाङ्गले गर्नु भएको हो ।

कोरोनाकालमा समेत सोसाइटीको सक्रियतामा चितवन , मकवानपुर र नवलपरासी गरी १ करोड भन्दा बढीको खाद्यान्न, पोषण तथा शैक्षिक सामाग्री वितरण गरिएको थियो ।