चितवन । मेडिकल स्टकिष्ट क्लब अफ नारायणगढ (मेस्कन) को अध्यक्षमा विज्ञान पौडेल चयन भएका छन । क्लबको शनिबार सम्पन्न १८ औं वार्षिक साधारण तथा ८ औं अधिवेशनले पौडेलको अध्यक्षतामा सर्वसम्मत नयाँ समिति चयन गरेको हो ।
समितिको उपाध्यक्षमा प्रकाश गुरुङ, महासचिवमा नारायण पौडेल, सचिवमा दिपक अधिकारी, कोषाध्यक्षमा निर्मला थापा मगर, सहकोषाध्यक्षमा लेखनाथ कँडेल चयन भएका छन । यस्तै सदस्यहरुमा बैकुञ्ठ शर्मा, रामकृष्ण दवाडी, राजकुमार श्रेष्ठ रहेका छन ।
समितिका अध्यक्ष मदन घिमिरेको अध्यक्षतामा भएको साधारणसभाको प्रमुख अतिथि नेपाल औषधी व्यवसायी संघका केन्द्रीय सदस्य बद्रीप्रसाद खनाल रहेका थिए । चितवनमा थोक औषधीको व्यवसाय गर्ने व्यवसायीहरुको संख्या ८० को हाराहारीमा छ ।
