गुल्मीको तम्घासमा मृगौला रोगसम्बन्धी सचेतना मूलक कार्यक्रम

गुल्मी । पछिल्लो समय विभिन्न कारणले मृगौला रोग सम्बन्धी समस्या बढी देखा पर्ने गरेका छन् । गुल्मीको तम्घासमा शुभलक्ष्मी फर्माले आफ्नो सामाजिक उत्तरदायित्व अन्तर्गत स्वास्थ्यकर्मी र डाक्टरसँग मृगौला रोग सम्बन्धी सचेतनामुलक कार्यक्रम गरेको छ ।

खानपान र समय समयमा स्वास्थ्य परीक्षण नगर्दा पछिल्लो समय मृगौला रोग सम्बन्धी जटिल समस्याहरू देखा परेका बिरामीको सङ्ख्या बढ्दै गएको छ । मिर्गौला रोगका बिरामी धेरै देखा पर्न थालेकाले यस सम्बन्धी हुने समस्या र समाधानका बारेमा जानकारीका दिन गुल्मीको तम्घासमा रहेको शुभलक्ष्मी फर्माले सचेतना मूलक कार्यक्रम गरेको शुभलक्ष्मी फर्माका व्यवस्थापक होमबहादुर पल्ली मगरले बताउनुभयो । स्वास्थ्यकर्मी पत्रकारहरूको माध्यमबाट आम नागरिक माझ प्रस्ट्याउने उद्देश्यले स्वास्थ्यकर्मी र डाक्टरसँग मृगौला रोग सम्बन्धी सचेतनामुलक कार्यक्रम गरिएको हो

मधुमेह र उच्च रक्त चापका कारण मिर्गौला फेल हुने गरेको मृगौला रोग विशेषज्ञ डाक्टर कृष्णकुमार अग्रवालले बताउनुभएको छ । खुट्टा सुनिनु,रातको समयमा पिसाब बढी लाग्नु, आँखा वरिपरिको भाग सुनिनु, खाना मन नलाग्नु, उच्च रक्तचाप कन्ट्रोल नहुनु जस्ता लक्षणहरू देखा पर्ने गर्दछन् । प्रत्येक एक सय जना बिरामीमध्ये ३ जनामा डायलायसिस गर्नुपर्ने खालको यो रोग ५० प्रतिशतमा मात्र देखा पर्ने डा अग्रवालको भनाइ छ ।

अन्य देशको तुलनामा खाडी मूलकमा गएका युवाहरूमा यो रोग बढी देखा पर्ने गरेको पाइएकाले यसको कारण अनुसन्धानकै क्रममा रहेको डक्टर अग्रवालको भनाइ छ । विदेश गएका युवाहरूमा यो रोग देखा परेपनि उपचार पछि निको हुने गरेकाले नआत्तिन र सजग रहन उहाँले आग्रह समेत गर्नुभएको छ । बढी मात्रामा रातो मासु भएको मासु खान नहुने भएकाले मृगौला रोग सम्बन्धी सचेतनाका कार्यक्रमहरू फैलाउनु उपयुक्त हुने डक्टर अग्रवालले बताउनुभयो । विश्वब्यापीरुपमा मृत्यु हुनेको कारण मध्ये पाँचौँ नम्बरमा यो रोग पनि रहेको छ ।