, चितवन । चितवनमा भारी परिमाणमा बिना बिल बिजकको अवैध औषधि बरामद भएको छ ।
जिल्ला प्रहरी कार्यालय चितवन, नेपाल औधधि ब्यवसायी संघ चितवन र मेडिकल स्टकिष्ट क्लब अफ नारायणगढले बजार अनुगमनका क्रममा भारी परिमाणमा औषधि बरामद गरेको हो ।
प्रहरी कार्यालयका अनुसार भरतपुर महानगरपालिका वडा नं.१० अस्पताल रोड स्थित सडक खण्डमा बागमती प्रदेश ०१–०२६ प २१८२ नं.को भ्यानमा बिना बिल बिजक औषधिजन्य सामान जेनेग्रा लगायतका अवैध औषधि बिक्री बितरण गरी रहेको अवस्थामा बिहीबार राती ९ बजे बरामद गरेको हो ।
ऊक्त भ्यानमा जेनेग्रा लगायतका अवैध औषधि बिक्री वितरण गरी रहेको अवस्थामा सर्लाही जिल्ला पर्सा गाउंँपालिका वडा नम्बर ५ बस्ने बर्ष २९ को अनिल झा र जिल्ला काठमाण्डौ चन्द्रागिरी नगरपालिका वडा नम्बर ७ बस्ने बर्ष ३८ को दिपेन परियारलाई फेला पारी नियन्त्रणमा लिएको हो । उनीहरुलाई आवश्यक कार्वाहीको लागि औषधि ब्यवस्था बिभाग बिरगंज, पर्सा पठाईएको प्रहरीले जनाएको छ ।
