काठमाडौं। काठमाडौंको धापासीमा रहेको ग्राण्डी अन्तरराष्ट्रिय अस्पतालले तीजलाई लक्षित गरेर महिलालाई उपचारमा सहुलियतको व्यवस्था गरेको छ । अस्पतालले रू. ४ हजार ६०० मा गाइने कन्सल्टेन्ट, ओपीडी, सुगर जाँच, सीबीसी, क्रेटिनाइन, टीएसएच, युरिन रुटिङ, पेटको अल्टासाउण्डलगायतका सेवा प्रदान गर्ने बताएको छ ।
अस्पतालको मार्केटिङ शाखाका प्रमुख भास्करकुमार दासले तिजलाई लक्षित गरेर महिलालाई चेकजाँचमा सहुलियतको व्यवस्था गरेको बताए । अस्पतालले हरेक वर्ष जस्तै यस वर्ष पनि तीजको अवसरमा सहुलियत प्रदान गरेको उनको भनाइ छ । आइतवारदेखि शुरू भएको उक्त सेवा भदौ महीनाभर लागू हुने बताइएको छ । अस्पतालले विभिन्न चाडपर्व र अस्पताल स्थापना दिवसको अवसरमा छूट दिँदै आएको छ ।
