चितवन । नेपाल राष्ट्रिय मुटु तथा फोक्सो रोग समाजको अन्तराष्ट्रिय सम्मेलन चितवनको रत्ननगर सौराहामा हुदैंछ । सौराहाको होटल सेभेन स्टारमा मुटुको भिडियो एक्स–रे (ईकोकाडियो ग्राफी ) सम्बन्धी पहिलो अन्तराष्ट्रिय सम्मेलन असोज ४ र ५ गते गर्ने भएको हो ।
पहिलो पटक गर्न लागिएको सम्मेलनले मुटु रोगको उपचारमा भिडियो एक्स–रेको नयाँ प्रविधि भित्र्याउँदै नयाँ आयाम दिइने समाजका अध्यक्ष डा शंकर लौडारीले जानकारी दिनुभयो ।
७ वटा भन्दा बढी देशका २ सय ५० बढी चिकित्सकहरुको सहभागिता रहने सम्मेलनमा मुटुको उपचारमा भिडियो एक्स–रे र उपचार,े ईकोकाडियो ग्राफी सम्बन्धी प्रस्तुतिकरणबाट अनुभव र ज्ञान आदान प्रदान गरिने डा. लौडारीले बताउनु भयो ।
सम्मेलनमा धेरै वैज्ञानिक कार्यपत्र प्रस्तुतीकरण र छलफल हुने समाजका महासचिव सचिन ढुगेंलले बताउनु भयो । ‘ कार्यक्रममा मुटु शल्य चिकित्सक, फोक्सो रोग विशेषज्ञ, भास्कुलर सर्जन र फिजिसियनसमेत सहभागी हुनुहुनेछ ।’ ढुंगेलले भन्नुभयो ।
उहांँल् नेपालमा विशेषज्ञ चिकित्सक थपिँदै गएको र नयाँ प्रविधिको बारेमा खोज अनुसन्धान उपलब्धीलाई आदानप्रदान गर्न सम्मेलन उपलब्धीमुलक हुने बताउनु भयो । सम्मेलनमा विश्व र नेपालमा मुटुरोगको अवस्था, रोगका कारण, विश्वमा रोग पत्ता लगाउन र उपचारमा नवीनतम प्रविधि, मुटुरोगबाट बच्नका लागि अपनाउनुपर्ने विधिका बारेमा छलफल हुने अध्यक्ष लौडारीको भनाई छ ।
वंशाणुगत, अस्वस्थकर खानपान र जीवनशैलीका कारण नेपाललगायत विश्वभर दिन प्रतिदिन मुटुका विरामी बढ्नुका साथै कयौँले अकालमा मृत्युवरण गरिरहेका छन । हृदयघात विश्वमा मृत्युको मुख्य कारणमध्ये एक हो । जसलाई पनि, जतिबेला पनि हृदयघात भन्दै मुटुरोगी यसको सबैभन्दा बढी जोखिममा हुने बिशेषज्ञ चिकित्सकले बताउंँदै आएका छन् ।
