मुटुरोग उपचारको पहुंँच पुर्याउन हरेक प्रदेशमा मुटु सेन्टर हुनु जरुरी छ : डा.भट्टराई(भिडियो सहित)

चितवन । मुटु यस्तो अभिन्न अंग हो यो बिना मानिसको जीवन अधुरो छ । तर पछिल्लो समय मुटुरोगी संख्या बढिरहेको बेला यसको उपचारको पहुंँच भने सहज हुन सकेको छैन । कारण मुटु चिकित्सक र विशेषज्ञको पहुंँच नेपालका सबै ठाउंँमा छैन । यसका लागि चाहिने दक्ष जनशक्ति र प्रविधि पनि पर्याप्त छैन जसले गर्दा मुटुरोगको उपचार नपाएर सयौंको मृत्यु हुने गरेको छ ।

मुटुरोग यस्तो रोग हो सही समयमा उपचार नपाए बिरामीको क्षणभरमै मृत्यु हुने गर्दछ । मुटु शल्यचिकित्सक डा. अनिल भट्टराईका अनुसार मुटु रोगको परीक्षणमा कार्डियोलोजी र इन्टरभेन्सलन कार्डियोलोजी संँगै कार्डियाक सर्जरी अत्यन्त महत्वपुर्ण छ । हरेक १० लाख मानिसको लागि एटटा हर्ट सेन्टर हुनु जरुरी छ । नेपालमा बर्षमा औषत १५ हजार बिरामीको मुटुको शल्यक्रिया आवश्यक परेपनि दुईहजारको मात्र सर्जरी हुने गरेको र मुटुरोगको उपचारको सम्पुर्ण उपचार सहितका हर्ट सेन्टर हुनुपर्ने डा. भट्टराईको भनाई छ ।

बिशेषतः नेपालीहरुको खानपान र आधुनिक जीवनशैलीका कारण मुटुसम्बन्धी रोगका बिरामीको संख्या बढिरहेको छ । सरकारी र नीजिस्तरबाट जनमानसमा सचेतना र सरकारले यसको रोग सम्बन्धि नीति बनाउनु पर्ने र हरेक प्रदेश र मुख्य शहरहरुमा मुटुसेन्टर हुनुपर्ने उहांँको तर्क छ ।
मुटुरोग के हो ?, मुटुमा कस्ता समस्याहरु देखा पर्दछन ? मुटु शल्यक्रियामा नेपालमा उपचार प्रविधि र अवस्था र मुटु शल्यक्रियाको पहुंँच पुरयाउन के गर्नुपर्ला ? र यस विधामा भएका विकास लगायतका विषयमा केन्द्रित रहेर स्वास्थ्य दर्पणले मुटु शल्य चिकित्सक डा. भट्टराइसंँग गरिएको कुराकानीको अंश । थप जानकारी तलको भिडीयो मार्फत पाउन सक्नुहुनेछ ।