काठमाडौं । नेपालमा विगत २४ घण्टामा थप २३ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले आइतवार दिएको जानकारी अनुसार ५ हजार ८४७ पीसीआर परीक्षणमा २३ जना र १ हजार ६२ एन्टिजेन परीक्षणमा शून्य गरी २३ जनामा उक्त संक्रमण देखिएको हो ।
त्यस्तै, विगत २४ घण्टामा कोरोना संक्रमणबाट कसैको पनि मृत्यु भएको छैन । नेपालमा कोरोना संक्रमणका कारण मृत्यु हुनेको संख्या ११ हजार ९५१ पुगेको छ ।
हाल देशभर सक्रिय संक्रमितको संख्या ८९९ पुगेको छ ।
यसैगरी, आइतवार ६६ जना निको भएसँगै हालसम्म ९ लाख ६५ हजार ६२५ जना कोरोना संक्रमणबाट मुक्त भएका छन् ।
