चितवन । भरतपुर सामुदायिक हस्पिटल भरतपुरको प्राविधिक सहयोगमा ज्ञानोदय मा बि कावासोति को आयोजनामा बिहिबार निःशुल्क स्वास्थ्य शिविर सम्पन्न भएको छ । बरिष्ठ स्त्री, प्रसुति रोग बिशेषज्ञ प्राडा सुनिलमणि पोखेरल लगायतको टोलीले शिविरमा स्वास्थ्य परिक्षण गरेको थियो । शिविरमा डा ज्ञान प्रसाद पोखरेल , पेट , छाती, मधुमेह, उच्च रक्तचाप , थाईराईड रोग बिशेषज्ञ डा महेन्द्र कुमार अग्रहरि, बालरोग बिशेषेज्ञ डा खेमराज पौडेल, दन्तरोग बिशेषज्ञ डा कृष्ण रेग्मी , हाडजोर्नी रोग बिशेषज्ञ डा केशब मणि गौतम लगायतका बिशिष्ट चिकित्सकहरुले सेवा दिनुभएको थियो ।
शिविरमा ४८३ जनाले निःशुल्क सेवा लिएको भरतपुर सामुदायिक हस्पिटलले जानकारी दिएको छ । शिविरमा चेकजांँचका साथै निःशुल्क औषधि बितरण समेत गरिएको थियो ।
उक्त शिबिरमा भरतपुर सामुदायिक हस्पिटलका कार्यकारी अधिकृत रघुनाथ सापकोटा, नर्सिङ स्टाफ रजिना थापा, सस्मिता बोगटी, बबिता मन्डल, रिना गुरुङ लगायतको समेत सहभागिता रहेको थियो ।
