स्वास्थ्य सेवाको पहुंँच र विस्तारमा स्वास्थ्य पत्रकारिताको ठूलो योगदान छ : पूर्व राष्ट्रपति डा.यादव

काठमाडौं । पूर्व राष्ट्रपति डा.रामवरण यादवले स्वास्थ्य सेवाको पहुंँच र विस्तारमा स्वास्थ्य पत्रकारिताको योगदान ठुलो रहेको बताउनु भएको छ । आज काठमाडौंको कमलादी स्थित नेपाल प्रज्ञा प्रतिष्ठानमा स्वास्थ्य दर्पण मीडिया नेटवर्कको नवौं बार्षिकोत्सवको उद्धघाटन गर्नुहुंँदै उहांँले यस्तो बताउनु भएको हो । आफूले पनि चिकित्सा क्षेत्रमा काम गरेको अनुभव सुनाउंँदै उहांँले पछिल्लो समय यो क्षेत्रको बृहत विस्तार र नवीनतम प्रविधि प्रयोग हुंँदै गएको बताउनु भयो ।

उहांँले स्वास्थ्य क्षेत्रको सचेतना र अभिमुखीकरणमा स्वास्थ्य पत्रकारिताको ठूलो भुमिका रहेको समेत बताउनु भयो । स्वास्थ्य क्षेत्र अतिनै संवेदनशील क्षेत्र भएकोले सबै सरोकारवाला मर्यादित हुनुपर्ने उहांँको भनाई थियो ।

कार्यक्रममा प्रमुख अतिथि डा.यादवले स्वास्थ्य क्षेत्रमा काम गर्दै आउनुभएका स्वास्थ्यकर्मी,चिकित्सक,पत्रकार एवं विभिन्न संस्थाहरुलाई सम्मानपत्र सहित सम्मान गर्नु भएको थियो ।

सो अवसरमा बोल्दै विशिष्ट अतिथि वरिष्ठ पत्रकार एवं स्वास्थ्य दर्पणका संरक्षक किशोर नेपालले स्वास्थ्य क्षेत्रमा अहोरात्र खटेका चिकित्सकको भूमिकाको मुल्यांकन गर्दै स्वास्थ्य दर्पणले विगत ९ वर्षदेखि निरन्तर सम्मानगरि हौसला बढाउदै आएको बताउंँनु भयो ।

स्वास्थ्य दर्पण मीडियाले नेपालको सुगमदेखि दुर्गमसम्म बिरामीको उपचारमा खटिएका चिकित्सकको मुल्यांकन गरेर राज्यले गर्न नसकेको काम गर्न सफल भएको समेत नेपालले बताउनु भयो ।

अर्का विशिष्ट अतिथि स्वास्थ्य सचिब डा.विकास देवकोटाले स्वास्थ्यकर्मीहरुले गरेको कामको मुल्यांकन सरकारले गर्नुपर्नेमा स्वास्थ्य दर्पण मीडियाले गरेको भन्दै प्रशंसा व्यक्त गर्नुभयो । आगामी दिनमा स्वास्थ्य सेवाको पहुंँच र विस्तारको लागि सरकारले मिडीयासंँग आवश्यक सहयोग र सहकार्य गर्ने उहांँले प्रतिवद्धता व्यक्त गर्नुभयो ।

सम्मानितको तर्फबाट भनाई राख्नुहुँदै वरिष्ठ मुटुरोग विशेषज्ञ डा.अवनिभूषण उपाध्यायले देशभरका स्वास्थ्यकर्मी,चिकित्सक तथा स्वास्थ्य संस्थाले गरेको कामको कदर गर्दै आफूलाई समेत सम्मान गरेकोमा हौसला र उर्जा मिल्नुका साथै थप जिम्मेवारी र दायित्व बढेको बताउनु भयो ।

स्वास्थ्य दर्पण मीडिया नेटवर्कका अध्यक्ष सन्दीप कुमार श्रेष्ठले नेपालमा स्वास्थ्य क्षेत्र र स्वास्थ्य पत्रकारिता दुबैको प्रवद्र्धन,प्रोत्साहन र समृद्धिको हेतुले स्वास्थ दर्पण मिडिया नेटवर्कले अवार्ड गर्दै आएको बताउनु भयो । स्वास्थ्य क्षेत्रको पहुंँच र सचेतना अभिवृद्धिका साथै खबरदारीको लागि पनि स्वास्थ्य दर्पण मिडीयाले कलम चलाउँदै जाने अध्यक्ष श्रेष्ठले बताउनु भयो ।

सोे अवार्ड कार्यक्रममा स्वास्थ्य क्षेत्रमा योगदान दिनुहुने नेपालका ७ प्रदेशमा कार्यरत चिकित्सक,स्वास्थ्यकर्मी,स्वास्थ्य संस्था,पत्रकार सहित अमेरिका र युरोपमा कार्यरत चिकित्सकसहित २४ जनालाई सम्मानित गरिएको थियो । स्वास्थ्य दर्पण मीडियाले हरेक बर्ष स्वास्थ्य क्षेत्रमा योगदान पुर्याउनु हुने,चिकित्सक,स्वास्थ्यकर्मी र पत्रकारलाई सम्मानित गर्दै आएको छ ।

राजीन पनेरुले सञ्चालन गर्नुभएको अवार्ड कार्यक्रममा संस्थाका जनसम्पर्क सल्लाहकार अर्जुनकुमार श्रेष्ठले स्वागत मन्तव्य राख्नुभएको थियो भने अर्का सल्लाहकार प्रा.डा.ऋषिकुमार काफ्लेले कार्यक्रममा समापन मन्तव्य राख्नुभएको हो।