तपाईलाई ढाड दुख्ने समस्या छ ? कारण र उपचारका विधि के छन ?

प्रायः नेपालीहरुलाई ढाड दुख्ने समस्या साझा समस्याको रुपमा देखा परेको छ । त्यसमा पनि बिशेषगरी महिलाहरुमा यो समस्या बढी भएको हामीले देख्दै सुन्दै आएका छौं । नेपालीहरुमा विभिन्न सन्तुलित आहाराको कमी , बढी शरीर र हड्डीलाई दबाब पर्ने काम तथा एकैठाउंँमा लगातार एउटै आसन र पोष्चरमा बसिरहंँदा पनि ढाड तथा मेरुदण्डको समस्या हुने गर्दछ । हड्डीले नसालाई प्रेसर दिएर या दबाब दिंँदा पनि ढाड दुख्ने समस्या हुन्छ । ढाड दुख्ने समस्याको पहिचान समयमै नगरे यो समस्या पछि गएर झनै जटिल बन्दै जाने गर्दछ र शल्यक्रिया पनि गर्नुपर्ने सम्मको बाध्यता आइलाग्छ ।
त्यस्तै यो मेरुदण्डमा हुने दुखाई र इन्जुरी पनि विभिन्न कारणले हुने गर्दछ र यो इन्जुरी पूर्ण र आंशिक हुने गर्दछ । यस्ता इन्जुरी सवारी दुर्घटनामा परेर, रुखबाट लडेर, या ठूला भवनहरुमा काम गर्दा हुने इन्जुरी हुन् । पूर्ण इन्जुरी भएका बिरामीमा स्पाइनल कर्डमा चोट पुग्दा त्यहांँ भन्दा तलका अंगहरु नचल्ने र कुनै प्रतिक्रिया नदिने हुन्छ भने आंशिक इन्जुरी त्यस वरपरका भागमा लाटोपन तथा कुनै प्रतिक्रिया नदिने हुन्छ ।यी सबै विधा अर्थोपेडिक विधामा पर्दछन ।

अस्पतालमा मेरुदण्ड तथा ढाड दुख्ने विरामीको संख्या बढेसंँगै देशका विभिन्न अस्पतालमा यस विधामा आएका नवीनतम प्रविधि तथा दक्ष जनशक्तिको उत्पादन पनि बढ्दै गएको छ । अर्थोपेडिक क्षेत्रमा पनि विशिष्टकृत सेवा नेपालमै पनि हुंँदै आएको छ । केही बर्ष अघि मेरुदण्ड तथा ढाडको समस्या हुंँदा भारत लगायतका देशहरुमा जाने बाध्यता थियो भने अहिले नेपाली विरामीलाई धेरैनै सहज र कम खर्चिलो हुने गरेको छ ।

वरिष्ठ अर्थोपेडिक सर्जनहरु तथा नवीनतम प्रविधि सहितको सेवा हाल देशका संघीय, प्रादेशिक एवं कतिपय जिल्लाका अस्पतालहरुमा समेत रहेको छ । अर्थोपेडिक सर्जन, अर्थोपेडिक विधा, मेरुदण्ड तथा स्पाइनल इन्जुरी के हो ? यसका उपचार विधि तथा नेपालमा भएका अभ्यास र विधि लगायतका बिषयमा केन्द्रित रहेर वरिष्ठ अर्थोपेडिक सर्जन डा. अजय यादव संँग गरिएको कुराकानीको अंश । विस्तृत जानकारी तलको भिडियोेमा उपलब्ध छ ।