न्युयोर्क । अमेरिकी तटरक्षक र मिडियाका अनुसार सोमबार फ्लोरिडाको फोर्ट लाउडरडेल क्षेत्रमा १३ जना यात्रु सवार डुङ्गा दुर्घटना भएको छ । दुर्घटनामा परी दुई बालिका सहित ११ जना घाइते भएका छन्, जसलाई उपचारका लागि स्थानीय अस्पतालमा भर्ना गरिएको छ ।
उक्त डुङ्गा त्रिङ्गुलो डेल नुएभो रियोको किनाराबाट बाहिर निस्कँदै गर्दा अचानक दुर्घटना भएको जनाइएको छ । दुर्घटनापछि यात्रुहरू पानीमा खस्दा उद्धार प्रयास चलाइएको थियो ।
फोर्ट लाउडरडेल फायर डिपार्टमेन्टका प्रवक्ता फ्रान्क गुजमानका अनुसार दुर्घटनाको कारण अझै अज्ञात छ र अनुसन्धान जारी छ । घटनाबारे स्थानीय अग्नि अनुसन्धान टोली, फ्लोरिडा माछा तथा वन्यजन्तु संरक्षण आयोग र फोर्ट लाउडरडेल प्रहरीले संयुक्त अनुसन्धान गरिरहेका छन् । रासस
