मेलानको २०औँ स्थापना दिवसमा सचेतना कार्यक्रम

स्वास्थ्य दर्पण
भरतपुर । मेडिकल ल्याबोरेटोरी एसोसिएसन अफ नेपाल (मेलान) चितवन शाखाले २०औँ स्थापना दिवसमा सचेतना कार्यक्रमगरी मनाएको छ । जनस्वास्थ्य प्रयोगशाला बागमती प्रदेश इकाई कार्यालय चितवनको प्राङ्गणमा आज मेलानले सचेतना र शुभकामना आदानप्रदान गरी आफ्नो २०औं स्थापना दिवस मनाएको हो।

कार्यक्रममा प्रमुख अतिथि प्रदेश प्रयोगशाला इकाई कार्यालयका उप-प्रमुख मेडिकल ल्याब टेक्नोलोजिस्ट अनिल यादव रहनु भएको थियो। यादवले शुभकामना मन्तव्य राख्दै मौसमी रोगहरू र हाल फाट्टफुट्ट देखिएको कोभिड-१९ को सम्भावित जोखिमप्रति सचेत रहन सबैलाई अनुरोध गर्दै दिवसको अवसरमा शुभकामना मन्तव्य व्यक्त गर्नु भएको थियो ।

दिवस कार्यक्रममा डा.अंकिता सिंखडा, मेडिकल ल्याब टेक्नोलोजिस्ट सुष्मा आचार्य, प्रयोगशालाकर्मीहरू प्रमिस न्यौपाने,विजय साह, सुशील आचार्य, सन्तोष तिमिल्सिना, सुमन सुवेदी, विकास थापा,टीका पंगेनी, मोहन तिवारी, निश्चल सापकोटालगायतको उपस्थिति रहेको थियो।

मेलान चितवनका अध्यक्ष मणीराज महतोको अध्यक्षतामा कार्यक्रम भयको थियो। कार्यक्रममा उपस्थित सबैप्रति धन्यवाद व्यक्त गर्दै अध्यक्ष महतोले मेलानको २०औँ स्थापना दिवसको अवसरमा शुभकामना व्यक्त गर्दै प्रयोगशालाकर्मीको मन र मर्ममा मेलान सधैं रहेको बताउनु भयो।

सो कार्यक्रमको सञ्चालन मेलानका पुर्व केन्द्रीय सदस्य तथा प्रयोगशालाकर्मी सुरज अधिकारीले गर्नु भएको थियो।