नेपाल चिकित्सक संघको अध्यक्षमा डा.बद्री रिजाल विजयी

काठमाडौं । नेपाल चिकित्सक संघ (एनएमए)को अध्यक्षमा डा.बद्री रिजाल निर्वाचित हुनुभएको छ। संस्थाको ३०औं कार्यकारिणीका लागि भएको निर्वाचनमा आज डा.रिजाल निर्वाचित हुनुभएको हो।

डा.रिजालले आफ्ना प्रतिस्पर्धी डा.मंगल रावलभन्दा २५६ बढी मत प्राप्त गर्नुभएको छ । डा.रिजालले ३,१९६ मत प्राप्त गर्दा डा.रावलले जम्मा २,९४० मत प्राप्त गर्नुभएको थियो। अध्यक्षका अर्का उम्मेदवार डा.नारायणप्रसाद भुसालले भने ८६९ मत मात्र प्राप्त गर्नुभएको हो।

संघको वरिष्ठ उपाध्यक्षमा डा.सञ्जिव तिवारी, उपाध्यक्ष पदमा क्रमशः डा.रोशन खड्का (कोशी प्रदेश), डा.अमृत राजन मिश्र (मधेश), डा.सुवास भट्टराई (बागमती), डा.योगेशराज सिग्देल (गण्डकी), डा.नन्दा गुरुङ (लुम्बिनी), डा.रविन खड्का (कर्णाली) र डा. प्रमोद जोशी (सुदूर–पश्चिम) क्षेत्रबाट विजयी हुनुभएको छ।महासचिवमा डा.विश्वराज दवाडी, सचिवमा डा.हुलास अग्रवाल र कोषाध्यक्षमा डा.तेजुसिंह मल्ल विजयी हुनुभएको हो।

संघको सदस्य पदमा डा.विना श्रेष्ठ, डा.अमित झा, डा.राकेश साह, डा.पल्पसा श्रेष्ठ, डा.सुमित काफ्ले र डा.शेषराज घिमिरे विजयी हुनुभएको छ। चिकित्सक संघको नयाँ नेतृत्वका लागि काठमाडौं उपत्यकाबाहिर वैशाख ४ र ५ गते मतदान भएको थियो भने काठमाडौं उपत्यकामा वैशाख १७ र १८ गते निर्वाचन भएको हो। निर्वाचनमा कुल ७,१०० मत मात्र खसेको निर्वाचन समितिले जानकारी दिएको छ।