काठमाडौँ । सगरमाथा प्रतिष्ठान नेपालद्वारा आयोजित एक विशेष समारोहमा नेपाल क्यान्सर अस्पताल र जनमैत्री अस्पतालकी निर्देशक समेत रहेकी स्वरुपा श्रेष्ठलाई ‘महिला सशक्तिकरण राष्ट्रिय सम्मान–२०८२’ बाट सम्मानित गरिएको छ । श्रेष्ठले लामो समेदेखि स्वास्थ्य सेवा, समाजसेवा, उद्यमशीलता र महिला नेतृत्वको क्षेत्रमा उल्लेखनीय योगदान पुर्याएको भन्दै उक्त सम्मान गरिएको हो ।
सम्मानपत्रमा स्वास्थ्य सेवा, उद्यमशीलता, समाजसेवा तथा महिला सशक्तीकरणको क्षेत्रमा पुर्याएको विशिष्ट योगदानको उच्च मूल्यांकन गरेवापत श्रेष्ठलाई सम्मान गरिएको उल्लेख छ । श्रेष्ठ उपचारका लागि सहयोगी हातहरु नामक सामाजिक संस्थाकी अध्यक्ष समेत हुन् । यो संस्थामार्फत उनले आर्थिक अभावमा उपचार नपाएका क्यान्सरका बिरामीलाई सहयोग गर्दै आइरहेकी छन् ।
